ئەمریکا ئاشتی و سەقامگیری جیهانی تووشی کێشە کردووە

بە ڕاپۆرتی ئاژانسی هەواڵی مێهر، محەمەد باقر قاڵیباف، سەرلەبەیانی ئەمڕۆ لە سێزدەیەمین کۆبوونەوەی مەکۆی پەرلەمانەکانی ئاسیا لێدوانی دا.

ناوبراو لە لێدوانەکەیدا بەڕێز مستەفا شنتۆپ، سەرۆکی پەرلەمانی تورکیا و سەرۆکی پەرلەمانی وڵاتانی دیکە خستە بەردەنگەوە و وتی: ئێستاکە جیهان خەریکە بە کێشەی زۆردا تێدەپەڕێت وەکوو گۆڕینی کەشوهەوا،نەخۆشی گشتگیر، تیرۆریزم، داگیرکاری وڵاتانی ئیمپریالیستی، پێشێل کردنی مافی مرۆڤ و کۆچبەری. هەر هەموومانیش هەمبەر ئەو کێشانە بەرپرسیارین

ئێمە پێویستمان بە سیستەمی نێودەوڵەتی نوێ و دادپەروەرانە هەیە و ئێمە وەکوو وڵاتانی ئاسیایی پێگەی باشمان لە ئەو سیستەمە نوێیە دەبێت.

ڕۆڵگێڕانی وڵاتانی ئاسیایی لە بواری سیاسەتی نێودەوڵەتی پێویستی بە پلانڕێژی لە ئاستی ناوچەیی و نێودەوڵەتی هەیە.

هەموومان لە ساڵانی دواییدا بینیمان کە ئەمریکا بە گرتنە پێشی ڕوانگەی تاک لایەنە، ئاشتی و سەقامگیری جیهانی تووشی کێشە کردووە. ئەمریکا هێشتا خۆی بە پێگەی یەکەمی جیهان دەناسێنێت. پێگەیەک کە دەمێکە لێی دوور کەوتووەتەوە. بەڵام هەر دەیەوێت لە ڕێگای سەربازی و شەڕی مێدیاییەوە هێزی براوەی جیهان بێت. ئەڵبەت ئەوە هەوڵێکی بێ ئەنجامە.