پاگەندەکارانی پارێزەری مافی گەلی ئێران، کۆتایی بهێنن بەگەمارۆوە دژە مرۆییەکان

وتەبێژی وەزارەتی دەرەوەی ئێران وتی: پاگەندەکارانی بەرگری لە مافی گەلی ئێران، باشتر وایە دروشمە درۆییەکانیان وەلا بنێن و کۆتایی بهێنن بە گەمارۆ ستەمکارانە و دژە مرۆییەکانیان دژی گەلی ئێران.

بە ڕاپۆرتی ئاژانسی هەواڵی مێهر، ناسر کەنعانی وتەبێژی وەزارەتی دەرەوە لە ئینستاگرامەکەی خۆیدا نووسی: ڕوانگەی دوژمنان هەمبەر کۆماری ئیسلامی و گەلی ئێران، بەردەوام پڕ لە دوژمنایەتی و دووفاقەیی بووە.

ناوبراو جەختی کرد: لە ئاژاوەکانی دواییدا، ڕێبەرانی سیاسی ئەمریکا و هەندێک جاریش ئەورووپا، مێدیاکانیان و هەروەها مێدیا فارسییە دوژمنەکان ک لەلایەن ڕۆژاواوە پاڵپشتی دەکرێن، لە ڕووداوێکی دڵتەزێن کە خەریکی لێکۆڵێنەوەن لەسەری، کەڵکی ئاوەژۆیان وەرگرت و بە دروشمی پاڵپشتی لە مافی گەلی ئێران، لە پاڵپشتی کردنی ئاژاوەگێڕان و تێکدەرانی ئاسایشی گەلی ئێران ئەوپەڕی هەوڵیان دا، بەڵام هاتنی ملیۆنان کەس لە گەلی ئێران لە شەقامەکان بۆ پاڵپشتی لە دەسەڵات و وڵاتەکەیان و دژایەتی لەگەڵ تێکدەران و ئاژاوەگێڕانیان نەدی یان بچووک هێنایانە ئەژمار.

کەنعانی وتیشی: بێ گومان شەڕی دوژمنان لە دژی گەلی ئێران، ئەم جارەش لە پاڵ سەدان دۆسیەی شکست خواردوویان لە مێژوو تۆمار دەکرێت.

پاگەندەکارانی پارێزەری مافی گەلی ئێران، کۆتایی بهێنن بەگەمارۆوە دژە مرۆییەکان

News Code 43606

نیشانەکان

بۆچوونی ئێوە

You are replying to: .
  • captcha