بە پێی راپۆرتی ئاژانسی هەواڵی مێهر، بەپێی راگەیەنراوی بارەگای بارزانى، ئەمڕۆ پێنج شەممە مەسعود بارزانی و بافڵ تاڵەبانی سەرۆکی یەکێتی نیشتیمانی کوردستان، بە ئامادەبوونی ھەریەک لە فوئاد حسێن و قوباد تاڵەبانی کۆبوونەوە.
لە کۆبوونەوەکەدا گفتوگۆ و بیروڕا ئاڵوگۆڕکران بۆ ھەڵسەنگاندنی بارودۆخی ئێستای عێراق و پێشھاتەکانی و لە پێناو یکخستنەوەی نێو ماڵی کوردی بڕیاردراوە کار بکرێت بۆ یەک ھەڵوێستی ھێزە سیاسییە کوردستانییەکان لە بەرامبەر ئەو ئالەنگاریانەی کە ڕووبەرووی عێراق و ھەرێمی کوردستان بوونەتەوە.
هەروەها بڕیاریش دراوە کە کۆبوونەوەکان بۆ ئەم مەبەستە بەردەوامیان پێ بدرێت.
ئەمە جاری دووەمە مەسعود بارزانی و بافڵ تاڵەبانى لەسەر پرسى پۆستى سەرۆک کۆمار کۆدەبنەوەو هەردوولاشیان لەسەر کاندیدەکەی خۆیان پێداگیری دەکەن، بەڵام کۆبوونەوەی ئەم جارە لەکاتێکدایە کە دۆخی سیاسى عێراق بەتەواوی ئاڵۆز بووەو خۆپیشاندان لە بەغدا بەردەوامە
Your Comment