بە پێی راپۆرتی ئاژانسی هەواڵی مێهر، ماموستا قادر قادری لە دیدار لە گەڵ سەرۆک کۆماری ئێران داکۆکی کردە سەر چارەسەر کردنی کێشەی ناوچە سنوورییەکان و وتی: چارەسەر کردنی کێشەی کۆڵبەری و کۆتایی هێنان بە کوشتنی لاوەکان لە سنوورەکانی ئێران داخوازیی جیدی ئێمەیە.
ئەو وتیشی: کۆڵبەری شیاوی خەڵکی ئەم ناوچە نییە، خەڵک بۆ دابین کردنی بژیوی ژیانیان پێویستیان بە داهات هەیە و لە لایەکی دیکەشەوە سنوورەوانان ئەرکی خۆیان جێبەجێ دەکەن بەڵام ئەمە کێشەیەکی جیدییە و پێویستە چارەسەر بکرێت.
ناوبراو هەروەها بێکاری وەکوو قەیرانێک زانی و روونی کردەوە: کۆچ کردنی لاوەکان بۆ ئەورووپا و رۆژاوا و هەروەها خەسارە کۆمەڵایەتییەکانی وەکوو خۆکوژی لە بێکاری و کێشەی بژیوی ژیاندا رەگی کوتاوە.
بۆچوونی ئێوە