گیان لەدەستدانی لاوێکی ٢٥ ساڵەی مەریوانی بە هۆی بەربوونەوەی پاراگلایدێر

ڕۆژی پێشوو بە هۆی داکەوتنی پاراگلایدێر لە زرێباری مەریوان، لاوێکی ٢٥ ساڵان گیانی خۆی لەدەست دا و فڕۆکەوانی پاراگلایدێرەکەش بریندار بوو.

بە پێی راپۆرتی ئاژانسی هەواڵی مێهر، بەرپرسی ئەنجومەنی وەرزشە ئاسمانییەکانی مەریوان لەم بارەوە وتی: فڕۆکەوانی ئەو پاراگلایدێرە کە لە زرێباردا داکەوت، خاوەن مۆڵەتی فڕۆکەوانی نەبووە و بەداخەوە لاوێکی مەریوانی بەم هۆیەوە گیانی لەدەست دا.

کامران رەحیمی وتیشی: ئەم رووداوە رۆژی پێشوو رووی داوە و بەم هۆیەوە لاوێکی ٢٥ ساڵان گیانی لەدەست دا و فڕۆکەوانی پاراگلایدێرەکەش بریندار بوو و بۆ نەخۆشخانە گوێزرایەوە.

ناوبراو ڕایگەیاند: بەداخەوە لەم رووداوەدا، فڕۆکەوانەکە بە هۆی نەبوونی لێهاتوویی باش لەسەر ئەم وەرزشە، دۆخی نەشیاوی کەشوهەوا و هەروەها جیهازاتی کۆن لە مەودای ٦٠ کیلۆمەترییەوە داکەوتووە.

News Code 41608

نیشانەکان

بۆچوونی ئێوە

You are replying to: .
  • 8 + 7 =