هیوادارم ئەنجامەكانی هەڵبژاردن لە خزمەت چەسپاندنی بنەماكانی شەراكەت بێت لەعێراقدا

سەرۆکى پارتى دیموکراتى کوردستان پەیامێک ئاڕاستەى هاوڵاتیان و لایەنگری پارتەکەى دەکات و هیوادرە لەو هەڵبژاردنەشدا گەلی كوردستان پشتیوانیی خۆی بۆ پارتی دیموكراتی كوردستان دووپات بكاتەوە.

بە پێی هەواڵی مێهر, لە پەیامێکدا مەسعود بارزانى سەرۆکى پارتى رایگەیاند"لە هەڵبژاردنەكانی پێشووی ئەنجوومەنی نوێنەرانی عێراقدا گەلی كوردستان پاداشتی هەڵوێست و خۆڕاگری و قوربانیدانەكانی پارتی دیموكراتی كوردستانی دایەوە و، بە پشتیوانیی گەلی كوردستان، پارتی بووە حزبی ژمارە یەك لە كوردستان و عێراق. هیوادارم لەو هەڵبژاردنەشدا گەلی كوردستان پشتیوانیی خۆی بۆ پارتی دیموكراتی كوردستان دووپات بكاتەوە".

بارزانى داوا لە هاوڵاتیانی كەركووك و شنگال و ناوچە كوردستانییەكانی تری دەرەوەی ئیدارەی هەرێم و، بە تایبەت داوا لە جەماوەر و لایەنگرانی پارتی لەو ناوچانە دەكات كە بە جۆش و خرۆشەوە بەشداری هەڵبژاردن بن و بە دەنگی خۆیان وەڵامی واقعی نایاسایی و سەپێندراوی ئەو ناوچانە بدەنەوە.
هەروەها بارزانى داواش لە هاوڵاتیانی هەرێمی كوردستان و جەماوەر و ئەندام و لایەنگرانی پارتی دەكات لە ڕۆژی دەنگداندا ئەركی نەتەوەیی و نیشتیمانیی خۆیان جێبەجێ بكەن و دەنگ بە كاندیدانی پارتی دیموكراتی كوردستان بدەن.
هەر لەو پەیامەدا سەرۆکى پارتى دەشڵێت، بە پێویستیشی دەزانم سوپاسی ئەندام و لایەنگران و سەرجەم ئۆرگانەكانی پارتی بكەم كە بۆ هەڵبژاردنی ئەنجوومەنی نوێنەرانی عێراق بانگەشەیەكی ئارام و مەدەنی و نموونەییان پەیڕەو كردووە.

لە کۆتاییشدا بارزانى رایگەیاندوە، هیوادارم هەڵبژاردنی ئەنجوومەنی نوێنەرانی عێراق لە كەشێكی هێمن و بێ كێشە بەڕێوە بچێت و ئەنجامەكانیشی لە خزمەت چەسپاندنی بنەماكانی شەراكەت و داواكاریی هاووڵاتیان بێت و، ئیرادەی ڕاستەقینەی گەلانی عێراق جێبەجێ بكرێت.

News Code 39469

نیشانەکان

بۆچوونی ئێوە

You are replying to: .
  • 7 + 4 =