بە پێی هەواڵی مێهر، محەمەد جەواد زەریف کە چووە بۆ سووریا لە ناو کۆمەڵی ڕێبەرە فەلستینییەکاندا وتی: ئەم دواییانە بینەری دڕندەیی زۆرتری ڕژیمی زایۆنی لە مزگەوتی ئەقسا و هەوڵ بۆ هەڕەشەی زیاتر لە ناوچەکانی دیکە و هاوکات بەرخۆدانی خەڵکی فەلستین بۆ بەرگری کردن لەم شوێنە پیرۆزە بووین.
ئەو وتیشی: جەنایەتەکانی ئەم دواییانەی ئیسرائیل لە غەزە و وڵامی قارەمانانەی گرووپەکانی بەرخۆدان دژی ڕژیمی زایۆنی ئەوەی سەلماند کە نەبەز بوونی "گومەزی ئاسنی" ڕژیمی زایۆنی درۆیە.
ناوبراو ڕاشیگەیاند: ئەم ڕووداوانە نیشانی دا کە ئاسایی کردنەوەی پێوەندی لە گەڵ ڕژیمی زایۆنی کردەوەیەک دژی خەڵکی فەلستین و دژی خواستی موسوڵمانانە. ئێمە لەم ڕۆژانە هەوڵمان داوە کۆمەڵگای نێودەوڵەتی سەبارەت بە بابەتی فەلستین هەستیار بکەینەوە.
هەروەها وتیشی: ئێمە لە پەنای خەڵکی فەلستین وەستاوین و شانازی دەکەین کە تاوانی ئەم ڕاوەستانەشمان دەدەینەوە. هیوادارم هەموو لە پەنای یەک بتوانین بە خۆڕاگری و هەوڵ بۆ وەرگرتنی مافی خەڵکی فەلستین ڕۆژانێکی باشتر بۆ ئەم وڵاتە بێنینە دی.
Your Comment