هونەرمەندێکی کرماشانی کۆچی دوایی کرد

مەسعوود وەلەدبەیگی گریمۆری بەناوبانگی سینەمای ئێران و براوەی سیمۆرغی بلوورینی فێستیڤاڵی فیلمی فەجر لە تەمەنی 86 ساڵەیی و بەهۆی جەڵتەی دڵ لە نەخۆشخانەی مێهرداری تاران کۆچی دوایی کرد.

بە ڕاپۆرتی ئاژانسی هەواڵی مێهر، ئەو هونەرمەندە داڕێژەر و گریمۆرە زیاتر لە 50 بەرهەمی سینەمایی و زنجیرەی تەلەڤیزیۆنیی هەیە و بۆ داڕشتن و گریمۆری سێ فیلمی "پەردەی ئاخر" لە دەرهێنانی وارۆژ کەریم مەسێحی، "زشت و زیبا" فیلمی ئەحمەدڕەزا موعتەمدی و "لە کەرخەوە تا ڕاین" بەرهەمی ئیبراهیم حاتەمی کیا براوەی سێ خەڵاتی سیمۆرغی بلوورینی گریمۆری لە فێستیڤاڵی فیلمی فەجری بردووەتەوە.

خوالێخۆشبوو مەسعوود وەلەدبەیگی لەدایک بووی 1314 لە کرماشان بوو و کچەکەی سەحەر وەلەدبەیگی ئەکتەری بەناوبانگە و زاواکەشی نیما فەلاح یەکێک لە ئەکتەرە ناسراوەکانی سینەما و تەلەڤیزیۆنە.

News Code 37284

نیشانەکان

بۆچوونی ئێوە

You are replying to: .
  • 2 + 15 =