کاردانەوەی وەزارەتی دەرەوەی ئێران بە ئەشکەنجەی کۆڵبەرە کوردەکان لە تورکیا

وتەبێژی وەزارەتی دەرەوە سەبارەت بە کاردانەوەی ئێران بە ڕووداوێک کە بۆ کۆڵبەرە کوردە ئێرانییەکان لە تورکیا ڕووی داوە، وتی: ئەو بابەتە شوێنگیری دەکەین.

بە ڕاپۆرتی ئاژانسی هەواڵی مێهر، سەعید خەتیب زادە لە کۆنگرەی ڕۆژنامەڤانی لە وەڵامی هەواڵنێرێک سەبارەت بە ئەو بابەتە وتی: شوێنگیری کردنی مافی هاووڵاتیانی ئێران بەردەوام بۆ ئێمە گرینگ بووە و سەبارەت بە ئەو بابەتەش هەر لە ئەو کاتەوە کە ئاگادار بووینەوە بە شێوەی جیدی شوێنگیریمان کرد و لەگەڵ دۆستانمان لە تورکیا پێوەندیمان گرت و قسەمان کرد.

ناوبراو درێژەی دا: نوێنەرەکانمان لە تورکیا لەو بارەوە چالاکن. سنوورەوانی دوو وڵاتەکە پێکەوە لەو بارەوە دیدار و گفتوگۆیان هەبووە. تارانیش هەر ئەو ڕۆژە یادداشتی خۆیی بۆ شوێنگیری باباتەکە ئاراستەی باڵوێزی تورکیا کرد.

خەتیب زادە وتی: ئەو بابەتە بۆ پێوەندی دوو وڵاتەکە باش نییە. من پێم وایە بە هاوکاری و دۆستایەتی بتوانین ڕێگری بکەین لە دووپات بوونەوەی ئەو ڕووداوانە.

ناوبراو جەختی کرد: لایەنەکانی بابەتەکە هێشتا ڕوون نییە. لێکۆڵینەوەکان درێژەی هەیە و دۆستانمان لە تورکیا بە نیازپاکییەوە یارمەتی دەدەن بۆ ڕوون بوونەوەی بابەتەکە.

News Code 37033

نیشانەکان

بۆچوونی ئێوە

You are replying to: .
  • 5 + 4 =