قۆناغی دووهەمی کوتانی ڤاکسینی کۆرۆنا لە کوردستان دەستی پێ کرد

جێگری تەندروستی زانکۆی زانستە پزیشکییەکانی کوردستان وتی: قۆناغی دووهەمی کوتانی ڤاکسین کۆرۆنا بە تەرخان کردنی ٩٤٠ دۆز ڤاکسین بۆ کوردستان لە ئەمڕۆوە دەستی پێ کرد.

بە پێی هەواڵی مێهر، ئیبراهیم قادری ئەمڕۆ لەم بارەوە وتی: هاوکات لە گەڵ دەیەی پیرۆزی فەجر یەکەمین باری ڤاکسینی کۆوید١٩ گەیشتە کوردستان و ٣٦٠ دۆز بۆ کادری دەرمان لە بەشەکانی ئای سی یوو کوترا.

ئەو وتیشی: بە پێی ئەم گەڵاڵە ٩٤٠ دۆز ڤاکسین لە قۆناغی دووهەم بۆ کوردستان تەرخان کرا کە ئەمڕۆ کوتانی ئەوانەش دەستی پێ کرد و لەم قۆناغەدا کادری دەرمانی بەشەکانی کۆرۆنا، ناوەندە ١٦ کاتژمێرییەکان، بە ساڵا چوان و جانبازە کیمیاییەکان ڤاکسین دەکوتن.

ناوبراو داکۆکی کرد: کوتانی ڤاکسین بە شێوەی خۆڕایی و لە ڕێگای بەشی تەندروستی  و دەرمانەوە بەڕێوە دەچێت و بە دەرمانخانەکان نادرێت.

 

News Code 36231

نیشانەکان

بۆچوونی ئێوە

You are replying to: .
  • 9 + 4 =