بە ڕاپۆرتی ئاژانسی هەواڵی مێهر، ئیسحاق جەهانگیری دوانیوەڕۆی ئەمڕۆ لە دیدار لەگەڵ ئەندامانی هەڵبژێردراوی پاڵپشتی دەوڵەت لە کوردستان ڕایگەیاند: ئێران هی هەمووانە و زۆر کەس هەن کە نایانەوێت ئێران سەربەرز بێت بەڵام لە سێبەری یەکێتی و یەکگرتوویی لە نێوان ئایین و ئێتنیکە جیاوازەوکان ئێرانێکی سەربەرزمان لە ناوچەی پڕ لە ئاژاوەی ڕۆژهەڵاتی ناڤین هەیە.
ناوبراو وتیشی: لە سەرەتای ئەمساڵەوە تا کۆتایی بەفرانبار 28 ملیار دۆلار کاڵامان هەناردە کردووە کە نزیک بە حەوت ملیار دۆلاری لە ڕێگای سنووری باشماخی مەریوانەوە بووە و ئەوە نیشانی دەدات کە ئێران وڵاتێکی ساماندارە و گەلی ئێران لە بەرانبەر گەمارۆ و پیلانەکان خۆڕاگرن.
جەهانگیری وتیشی: لە بواری توندوتیژی دژی ژنان گەڵاڵەیەک لە دەوڵەت پەسەند کراوە و ئەوەش بە شێوەی جیدی شوێنگیری دەکرێت.
جێگری یەکەمی حەسەن ڕۆحانی لە کۆتایی قسەکانیدا جارێکی دیکە لەسەر خێرا کردنەوەی پێدانی بودجەی پێویست بۆ چارەسەری کێشەی ئاوی خواردنەوەی شاری سنە جەختی کرد و وتی: لە لێژنەی بەڕێوەبەرایەتی قەیرانی وڵات 100 ملیار تمەن بودجەی تایبەتمان بۆ ئەو بابەتە تەرخان کردووە.
Your Comment