گەڕاندنەوەی منداڵانی چەکدارانی داعش لە کەمپەکانی هەسەدە

دوو بەرپرسی رێکخراوی نەتەوە یەکگرتووەکان داوا لە وڵاتانی جیهان دەکەن ئەو منداڵانەی چەکدارانی پێشووی داعش ببەنەوە کە لە کامپەکانی ژێر دەسەڵاتی هەسەدەدان.

بە پێی ڕاپۆرتی ئاژانسی هەواڵی مێهر، ڤلادیمیر ڤۆرۆنکۆڤ، جێگری سکرتێری گشتیی رێکخراوی نەتەوە یەکگرتووەکان بۆ رووبەڕووبوونەوەی تیرۆر بە ئەندامانی ئەنجوومەنی ئاسایشی نێودەوڵەتی راگەیاند: بارودۆخی منداڵان لە کامپی هۆل زۆر خراپە .

ئاماژەی بەوەشکرد: نزیکەی 27 هەزار منداڵ لەو کامپە "گیریان خواردووە" و مەترسی ئەوە هەیە رێکخراوی داعش کاریان لەسەربکات و بکرێنە کەسانی پەڕگیر.

کامپی هۆل بە گەورەترین کامپی ئاوارە و کۆچبەران لە ناوچە کوردنشینەکانی سووریا و سووریا دادەندرێت و نزیکەی 62 هەزار کەسی تێدایە.

نزیکەی 80٪ی ئەوان ژن و منداڵن و زۆربەی ئەوانیش دوای کۆنتڕۆڵکردنی باغۆز لە ئاداری 2019دا لە لایەن هەسەدەوە گوێزرانەوە کامپەکە.

 بەرپرسەکەی رێکخراوی نەتەوەیەکگرتووەکان رایگەیاند: منداڵانی خەڵکی 60 وڵاتی جیهان لە کامپەکەدان و بەرپرسیارێتی ئەوانیش لە ئەستۆی ئەو وڵاتانەدایە، نەوەک سووریا و هەسەدە. ڤۆرۆنکۆڤ وتی: دەبێت حکومەتی ئەو وڵاتانە بەرپرسیارێتی خۆیان جێبەجێبکەن و ئەو منداڵانە بگەڕێننەوە وڵاتەکانیان.

ئەو بەرپرسەی رێکخراوی نەتەوەیەکگرتووەکان وتی: تاوەکوو ئێستا حکومەتی هەندێک وڵات نزیکەی هەزار منداڵیان لە هۆلەوە گەڕاندوەتەوە وڵاتەکانیان.

ڤۆرۆنکۆڤ رایگەیاند: ئەو کەسانەی تەمەنیان لە خوار 14 ساڵە نابێت دەستبەسەربکرێن و ناشکرێت دادگایی بکرێن و گوتیشی، ئەگەر منداڵان لە لایەن کۆمەڵگەکانەوە پاڵپشتی بکرێن، ئەوا دەتوانن بەسەر ئەزموونە خراپەکانی ژیانیاندا زاڵ بن.

هاوکات ڤێرجینیا گامبا، نوێنەری تایبەتی رێکخراوی نەتەوەیەکگرتووەکان بۆ کاروباری منداڵان و پێکدادانە چەکدارییەکان وتی: نابێت منداڵان وەک هەڕەشەی بواری ئەمنی سەیربکرێن و پێویستە دەستبەرسەکردنیش وەک دوایین رێکار پەنای بۆ ببردرێت.

News Code 35801

نیشانەکان

بۆچوونی ئێوە

You are replying to: .
  • 5 + 4 =