بە پێی ڕاپۆرتی ئاژانسی هەواڵی مێهر، لە راگەیەنراوێکدا شانەی راگەیاندنی ئەمنی عێراق دا هاتووە: ئەو چوار بەرپرسەی داعش لە هەرە ترسناکترین داواکراوەکانی ئەو رێکخراوە بوون و هێزە ئەمنییەکان ماوەیەکی زۆرە بەشوێنیانەوەن و ئێستا کوژراون.
ئاماژە بەوەشکردووە، دوای کوژرانیان زانراوە کە دوو لەو بەرپرسانەی داعش قایشی خۆتەقاندنەوەیان لە خۆیان بەستووە و نزیکبوون لەوەی زیانێکی زۆر بە هێزە ئەمنییەکان بگەیەنن.
هەروەها شانەی راگەیاندنی عێراق ئاماژەی بە کوژرانی دوو چەکداری دیکەی داعش کردوە لە سنووری پارێزگای دیالە کە ئەنجام ئۆپەراسیۆنێکدا بووە لەدژی پاشماوەکانی داعش.
Your Comment