بە ڕاپۆرتی ئاژانسی هەواڵی مێهر، ئێران لە نامەیەکدا کە ئەمڕۆ لەلایەن مەجید تەخت ڕەوانچی نوێنەری هەمیشەیی ئێران لە نەتەوەیەکگرتووەکان پێشکەشی گۆترێش کرا، بە پاڵپشتی ئەمریکا لە گرووپی توندەر ناڕەزایەتی کرا و داوای بەرەوڕوو بوونەوەی ئەو ڕێکخراوە لەگەڵ ئەمریکای کرد.
لە ئەو نامەیەدا، وێڕای ئاماژە بە هێرشە تیرۆریستییەکانی ئەو گرووپە لە ئێران و شەهید و بریندار کردنی ژمارەیەک لە هاووڵاتییەکان لە ئێران، ڕاگەیێندراوە ئەو گرووپە تیرۆریستیە هێشتا بەردەوامە لە چالاکییەکانی خۆی لە ئەمریکا و تەنانەت پەروەردەی کەسانی دیکە بۆ کاری تیرۆریستی لە ئێران.
لە درێژەی ئەو نامەیەدا هاتووە: تا ئێستا ئەمریکا هیچ هەوڵێکی بۆ ڕێگری لە چالاکی ئەو گرووپە یان ڕادەست کردنەوەیان بە ئێران بۆ دادگایی کردنیان نەداوە. بەردەوام بوونی پاڵپشتی ئەمریکا لە ئەو گرووپە هیچ گومانێکی لە ئەوە نەهێشتووەتەوە کە خەریکە ڕاشکاوانە پاڵپشتی لە ئەو گرووپە تیرۆریستییە دەکات.
بۆچوونی ئێوە