باشتر وایە مستەفا کازمی، خۆی لە قەرەی هێزەکانی بەرخۆدان نەدات

ئەمینداری گشتی عەسائیبی ئەهلی حەق جەختی کرد ئەگەر هێزەکانی ئەمریکا بە شێوەی ئاشتیخوازانە لە عێراق نەچنە دەرەوە، هیچ کەس ناتوانێت بەر بە هێزەکانی بەرخۆدان بگرێت بۆ دەرکردنیان.

بە ڕاپۆرتی ئاژانسی هەواڵی مێهر، ئەمینداری گشتی عەسائیبی ئەهلی حەق دەستگیر کردنی ژمارەیەک لە هێزەکانی حەشدی شەعبی ئەو وڵاتە لەلایەن دامودەزگاکانی بەرەنگار بوونەوەی تیرۆریزم و بە فەرمانی سەرۆک وەزیرانی ئاڵۆزیەکی گەورە وەسف کرد.

قەیس حەزعەلی لە گفتوگۆ لەگەڵ کەناڵی ئەلعەهدی عێراق وتی: فەرمانێک لەلایەن دەسەڵاتی دادەوە بۆ دەستگیر کردنی هێزەکانی حەشدی شەعبی نەدراوە بەڵکوو ئەو کارە بە فەرمانی ڕاستەوخۆی سەرۆک وەزیرانی ئەنجام دراوە.

ناوبراو جەختی کرد: هیچ بەرپرسێکی عێراقی پێش لە کازمی نەیوێرابوو گرووپەکانی بەرخۆدان لە عێراق بکاتە ئامانج و سەرۆک وەزیران باشتر وایە بەرەوڕووی حەشد نەبێتەوە چونکوو ئەوان نوێنەری خەڵکن.

حەزعەلی درێژەی دا: دەوڵەتی کازمی دەوڵەتێکی کاتی بە ئامانجی بەڕێوە بردنی هەڵبژاردنی پەرلەمانی پێشوەخت و پەڕاندنەوەی عێراق لە دۆخی ئەمنیەتی ئێستایە.

News Code 32985

نیشانەکان

بۆچوونی ئێوە

You are replying to: .
  • 2 + 2 =