گفتوگۆی ڤیدیۆیی وەزیرانی بەرگری ئێران و عێراق

وەزیری بەرگری ئێران وتی: پێمان خۆشە کە هەموو ئیمکاناتی خۆمان بخەینە بەر دەستی عێراق و دەمانەوێت ببینە هاوبەشی ستراتیژیک و پێوەندییەکانمان بکەینە نمایەکی سەرکەوتوو لە هاوکاری.

بە ڕاپۆرتی ئاژانسی هەواڵی مێهر، ئەمیر سەرتیپ حاتەمی وەزیری بەرگری و پشتیوانی هێزە چەکدارەکان لە گفتوگۆی ڤیدیۆیی لەگەڵ جومعە عناد سەعدوون وەزیری بەرگری کۆماری عێراق بە پیرۆزبایی بە بۆنەی هەلبژاردنی وەکوو وەزیری بەرگری عێراق وێڕای ئارەزووی سەرکەوتن بۆی لە ئەو پۆستە گرینگە، وتی: ڕوانینی ئێران بە عێراق  وەکوو هاوبەشێکی مێژوویی، فەرهەنگی و ئایینییە.

وەزیری بەرگری ئێران وتی: عراقی یەکپارچە، سەربەخۆ و بەهێز، بەبەشداری هەموو هۆز و ئایینەکان سیاسەتی بنەڕەتی ئێمەیە؛ کەواتە هیوادارین دەوڵەتی عێراق لە ئەنجام دانی ئەرکی خۆی بەتایبەتی بەدی هاتنی خواستی نەتەوەیی، باشتر بوونی دۆخی ئابووری و بەرەنگار بوونەویە کۆرۆنا سەرکەوتوو بێت.

حاتەمی بە ئاماژە بە کاریگەری و زەروورەتی هاوکاری بەرگری دوو وڵاتەکە لە ئاسایش و سەقامگیری ناوچەکە وتی: پێمان خۆشە هەموو ئیمکاناتی خۆمان بخەینە بەر دەستی عێراق و دەمانەوێت ببینە هاوبەشی ستراتیژیک و پێوەندییەکانمان بکەینە نمایەکی سەرکەوتوو لە هاوکاری.

ئمیر سەرتیپ حاتەمی هەروەها لە کۆتاییدا وەزیری بەرگری عێراقی بۆ ئەنجامدانی دیداری فەرمی لە ئێران، بانگهێشت کرد.

News Code 32428

نیشانەکان

بۆچوونی ئێوە

You are replying to: .
  • 1 + 1 =