٧ کوژراو و بریندار بە هۆی ڕووداوی هاتوچۆ لە ڕێگای دیواندەرە بۆ سەقز

جێگری سەرۆکی پۆلیسی ڕێگاوبانی کوردستان وتی: ڕووداوی نێوان دوو ئۆتۆمبیلی سواری لە ڕێگای دیواندەرە بۆ سەقز بووە هۆی مەرگی چوار کەس و بریندار بوونی سێ کەسی دیکە.

بە ڕاپۆرتی ئاژانسی هەواڵی مێهر، سەرهەنگ حەمید عەبدولمەلیکی ڕایگەیاند: ئەو ڕووداوە لە ٥٥ کیلۆمەتری ئەو ڕێگایە و لە نزیکی سێ ڕییانی گومە نزیکی گوندی چاڵگا لە نێوان دوو ئۆتۆمبیلی جۆری پژۆ و سەمەند ڕووی دا.

ناوبراو زیادی کرد: بە هۆی ئەو ڕووداوە سێ کەس لە ناو پژۆکە و شۆفێری سەمەندەکە گیانیان لەدەست دا و سێ کەسی ناو سەمەندەکەش بریندار بوون کە دۆخیان ناجێگیر ڕاپۆرت کراوە.

عەبدولمەلیکی ڕایگەیاند: سەرجەم کوژراو و بریندارەکان لە لایەن فریاکەوتنی زەڕینە و ئێرانخاوە گواستراونەتەوە بۆ دیواندەرە.

سەرهەنگ عەبدولمەلیکی زیادی کرد: هۆکاری ئەو ڕووداوە لە لایەن کارناسەکانەوە لێک دەدرێتەوە و ڕادەگەیێندرێت.

News Code 31810

نیشانەکان

بۆچوونی ئێوە

You are replying to: .
  • 2 + 13 =