٦٠ هەزار پاکێجی تەندروستی لە پارێزگای کوردستان بڵاو کرایەوە

پارێزگاری کوردستان لە بڵاوکرانەوەی ٦٠ هەزار پاکێجی تەندروستی و پاکژی لە نێوان خەڵکی بێ بەشی ئەو پارێزگایە هەواڵی دا.

بە ڕاپۆرتی ئاژانسی هەواڵی مێهر، بەهمەن مورادنیا لە ڤیدئۆ کۆنفڕانسی وەزیری ناوخۆ لە گەڵ پارێزگارانی سەرتاسەری وڵات، بۆ چارەسەریی گرفتی ئابووریی خەڵکی و چینەکانی خوارەوە لە ماوەی مەوداگرتنی کۆمەڵایەتی، ڕایگەیاند: بۆ چارەسەریی کێشەی ئابووری لە ماوەی نەخۆشیی کۆرۆنا، واناشە دەوڵەت یارانەی سێ مانگی یەکەمی ساڵ بە جاری بڕێژێتە حیسابی بنەماڵەکان.

ڕاشیگەیاند: لەو هەلومەرجەدا دەوڵەت دەتوانێ پاکێجێکی مادەی خۆراکی ئامادە و لە نێوان بنەماڵە کەم داهاتوو و هەژارەکاندا بڵاو بکاتەوە و خود ئەم هەنگاوە دەتوانێ یارمەتیدەری گەشەی کەرتی کشتوکاڵیش بێت.

مورادنیا لە درێژەدا بە ئاماژە بە یارمەتیی ٢ ملیارد تمەنی خێرخوازانی کوردستانی لە گەڵ دەسپێکی نەخۆشی کۆرۆنا، وتی: تا ئێستا لە ئاستی پارێزگا ٦٠ هەزار پاکێجی تەندروستی و پاکژی بە بایەخی ٢ و نیو ملیارد تمەن لە نێوان خەڵکی بێ بەش و پەراوێزنشین بڵاو بۆتەوە و هەوڵی ئامادەکردنی پاکێجی خۆراکی بۆ ١٠ هەزار بنەماڵەی پارێزگاین.

News Code 31772

نیشانەکان

بۆچوونی ئێوە

You are replying to: .
  • 3 + 4 =