هۆکاری سەرکەوتوو نەبوونی هاویشتنی مانگیلەی ئێران

وەزیری پەیوەندییەکان بە شرۆڤە کردنی کێشەی هاویشتنی مانگیلەی زەفەر١ وتی: مەکینەی مانگیلەبەرەکە هێزی کەم بووە و بە دابەزینی خێراییەکەی، مانگیلەکە نەیتوانی لە خولگە جێ بگرێت.

بە ڕاپۆرتی ئاژانسی هەواڵی مێهر، موحەمەد جەواد ئازەری جەهرومی ئەمشەو لە شوێنی بنکەی ئاسمانی ئیمام خومەینی پاش هاویشتنی مانگیلەی زەفەر کە بڕیار بوو لە خولگەی ٥٣٠ کیلۆمەتری زەوی جێ بگرێت، وتی: مانگیلەی زەفەریش وەکوو مانگیلەی پەیام پاش ئەوەی کە لە مانگیلەبەرەکە جودا بووەوە، نەیتوانی لە خوگەی زەوی بوەستێت.

ناوبراو وتی: ئەو ماگیلە تەنانەت لە خولگەی ٥٣٠ کیلۆمەتریش تێپەڕی و گەیشتە خولگەی ٥٤٠ کیلۆمەتری بەڵام لە باری خێراییەوە کەمی هێنا و سەرەڕای ئەوەی کە ئەبێ بە خێرایی ٧ هەزار و ٤٠٠ کیلۆمەتری بگەیشتبا لە خێرایی ٦ هەزار و ٥٠٠ کیلۆمەتر لە کاتژمێردا ڕاوەستا.

ناوبراو وتی: ئێمە بێ هیوا نابین و لە مانگی خەزەڵوەر مانگیلەی زەفەری ٢ بە مانگیلەبەری سیمۆرغ دەنێرینە بۆشایی ئاسمان.

کاتی هاویشتن تا جێگیر بوونی ئەو مانگیلە نزیک بە ٨ خولەکی خایاند.

News Code 30945

نیشانەکان

بۆچوونی ئێوە

You are replying to: .
  • 9 + 9 =