چاوەدێری پزیشکی لە سنووری باشماخ چڕ بووەتەوە

جێگری تەندروستی زانکۆی زانستە پزیشییەکانی کوردستان وتی: هەوڵە تەندروستییەکان لە سنووری باشماخی مەریوان زیادی کردووە.

بە راپۆرتی ئاژانسی هەواڵی مێهر، ئیبراهیم قادری شەوی دووشەممە لە کۆنفڕانسی ڕۆژنامەڤانی لە سەر بابەتی پێشگیری لە ڤایرۆسی کۆرۆنا، وتی: ژووری ئیزۆلە بە ئاستی ئیمەنی و تەندروستی سەرەوە بە شێوەیەک کە لە هەر ژوورێکدا یەک کەس بخەوێندرێت، ئامادە کراوە.

قادری سەبارەت بە کۆنترۆڵی سنوورەکانی پارێزگا بۆ پیشگیری لە چوونی کۆرۆنا، وتی: هەموو بنکەکانی چاوەدێری تەندروستی لە سنوورەکانی باشماخ و سەیرانبەند تەیار کراون.

ناوبراو درێژەی دا: ئەو موسافر و کەسانە کە گومانی نەخۆشی کۆرۆنایان لە سەرە لە هیچ دۆخێکدا ئیزنی هاتن بۆ ناو ئێرانیان نابێت.

نابراو بە ئاماژە بە ئاماری تووش بووان بە نەخۆشی کۆرۆنا، وتی: لە پارێزگای کوردستان تا ئێستا هیچ ڕاپۆرتێک لە بارەی تووش بوونی کەسێک بە ئەو نەخۆشییە نەهاتووە بەڵام بە پێی دوایین ئامارەکان ١٧ هەزار و ٣٤٦ کەس تووشی ئەو ڤایرۆسە هاتوون و ٣٦٢ کەسیش لە چین گیانیان لەدەست داوە.

ئەو بەرپرسە وتیشی: خەڵک لە بینینی ئامبوڵانس لە حەوشەی نەخۆشخانەکان یان ئەو هێزانە کە جل و ماسکی تایبەتیان هەیە، نیگەران نەبن ئەوە بەس پێوەندی بە ئەنجامی مانۆڕەوە هەیە و بۆ تاقی کردنەوەی ئاستی ئامادەیی پرسنلی نەخۆشخانەکان و ئورژانسەکانی پارێزگا لە کاتی هەستیاردا کار دەکەن.

News Code 30856

نیشانەکان

بۆچوونی ئێوە

You are replying to: .
  • 2 + 7 =