بە هیچ لەونێک ڤایرووسی کۆرۆنا نەگەیشتووەتە کوردستان

جێگری کاروباری توندروستی زانستە پزیشکییەکانی کوردستان بە ئاماژە بە کۆنتڕۆڵی سنوورەکان بۆ پێشگری لە هاتنی تووشبووان بە ڤایرووسی کۆرۆنا بۆ ناوخۆتی وڵات، وتی: تا ئێستا هیچ نموونەیەک لە تووشبووی ئەو نەخۆشەیە لە کوردستاندا نەبینراوە.

بە ڕاپۆرتی ئاژانسی هەواڵی مێهر، ئیبراهیم قادری بە ئاماژە بەوەی کە دۆخی کوردستان ئارامە و تا ئێستا هیچ نموونەیەک لە تووشبووی ئەو نەخۆشەیە لەم پارێزگایەدا نەبینراوە، رایگەیاند: رۆژی چوارشەممە ئاگادار بووین کە ڤایرووسی کرۆنا گەیشتۆتە سنوورە رۆژئاواییەکانی وڵات و بەو پێیە ئامادەباش ڕاگەیێندرا.

ڕاشیگەیاند: دوای ئەو هوشدارە هاتووچۆی موسافیران لە سنووری باشماخ کۆنتڕۆڵ کرا هاتنی کەسانی گۆمان لێکراو بە تووشبوون بەو ڤایرووسە بۆ ناو پارێزگا و وڵات پێشگری کرا.

ناوبراو بیری هێنایەوە: ئەگەر موسافیری گومان لێکراو ئێرانی بێت بە ئەمبۆڵانس ەوانەی ژووری ئیزۆلەی نەخۆشخانەی سنە دەکرێت و ئەگەر موسافیر عێراقی بێت، رێگەی پێ نادرێ هەنگاو بنێتە خاکی ئێرانەوە.

جێگری کاروباری توندروستی زانستە پزیشکییەکانی کوردستان لە درێژەدا بیری هێنایەوە: دوو گرووپێک کە زیاتر لە مەترسیی تووشبوون بەو ڤایرووسەن، بازرگانان و شۆفیرەکانن کە شارە سنوورییەکانی پارێزگا لە گەڵ وڵاتی چین لە پەیوەندیدان. هەر بۆیە هەموو ئەو کەسانە چاودێری و پشکنینیان بۆ کراوە و هوشداری پێویستیان دراوەتێ.

News Code 30849

نیشانەکان

بۆچوونی ئێوە

You are replying to: .
  • 6 + 5 =