بە راپۆرتی ئاژانسی هەواڵی مێهر، سەید عەباس مووسەوی وتەبێژی وەزارەتی دەرەوەی ئێران بە ڕەخنەی توند لە قسەکانی ئەم دواییەی وەزیری دەرەوەی عەرەبستان لە گفتوگۆ لە گەڵ کەناڵی سی ئێن ئێن جەختی کرد: لەبەر ئەوەی کە عەرەبستان خۆی بە باوەپیارەی داعش و گرووپە تیرۆریستییەکان دەبینێت، پێی وایە کە شەهادەتی فەرماندەکانی بەرەی بەرخۆدان بە دەستی سەرۆک کۆماری ئەمریکا، دەبێتە هۆی ئاسایشی گرووپە تیرۆریستی و دەوڵەتە تیرۆریست پەروەردەکان.
مووسەوی زیادی کرد: ئەوەی کە وەزیری دەرەوەی سعوودی، بە پێچەوانە وتنەوەی تەواوی یاسا نێودەوڵەتییەکان، تیرۆرێکی ئاشکرا بەرگری ڕەوا ناو دەنێت، جێی داخە.
وتیشی: تیرۆری سەردار سولەیمانی، لە لایەن سوپای تیرۆریستی ئەمریکاوە لە خاکی وڵاتێکی دیکە و بە بێ هەماهەنگی وڵاتی میوندار و دژی میوانی فەرمی ئەو وڵاتە و بەرپرسێکی خودی وڵاتی میواندار، ئەویش لە فڕۆکەخانەیەکی سڤیل ئەنجام بووە کە بە دانپێدانانی وڵاتی میواندار، هەوڵێکی دژی یاسا نێوخۆییەکانی عێراق و سەداسەد پێچەوانەی یاسا نێودەوڵەتییەکان بووە. ڕژێمی عەرەبستان بە ئەو پاڵپشتییە هاوبەشی تاوانەکەی ترامپە.
Your Comment