ئێران نەیویستووە حاشا لە هەڵەی تێکشکاندنی فڕۆکە ئۆکراینیەکە بکات

سکرتێری ئەنجومەنی باڵای ئاسایشی نیشتمانی ئێران بە ئاماژە بە زەروورەتی لێکدانەوەکان وەک هۆی درێژخایاندنی ڕاگەیاندنی هۆکاری داکەوتنی فرۆکەی ئۆکراینی، وتی: هیچ هەوڵێک بۆ حاشاکردن لەو ڕووداوە لە ئارادا نەبووە.

بە ڕاپۆرتی ئاژانسی هەواڵی مێهر، عەلی شەمخانی سکرتێری ئەنجومەنی باڵای ئاسایشی نیشتمانی ئێران، بە دووپات کردنەوەی وتەی سەردار حاجی زادە کە وتبووی "خۆزگە ئێمە دەمردین و شایەدی ئەو ڕووداوە دڵتەزێنە نەدەبووین" وەک بۆچوونی تێکرای کۆمەڵەی حاکمییەت، وتی: یاد و ناوی بلیمەتە زانستییە کوژراوەکانی ئەو ڕووداوە بەردەوام هەرمان دەبێت.

شەمخانی وتیشی: درێژخایاندنی ڕاگەیاندنی هۆی داکەوتنی فرۆکەی ئۆکراینی بە هۆی زەروورەتی لێکدانەوەی هەموو گریمانەکان و لەوان "هەڵمەتی شیمانەیی دوژمن لە جەمینگ"، "هەک‌کرانی سیستەمەکان"، "پرسی دزەکردن" و پرسە هاوپەیوەندەکان بووە.

ناوبراو بە بیرهێنانەوەی ئەوەی کە هیچ هەوڵێک بۆ حاشاکردن لەوبارەیە لە ئارادا نەبووە، جەختی کرد: کۆماری ئیسلامی ئێران هەر لە سەرەتاوە بە بانگهێشتی کۆمەڵەی وڵاتانی هاوپەیوەند بەو ڕووداوە، نیازپاکیی خۆی بۆ لێکدانەوەی وردبینانەی ڕووداوی سەلماند و لە هەمان کاتدا هیچ هەوڵێک بۆ حاشاکردن لەوبارەیە لە ئارادا نەبووە، بە تایبەت بە ئاوردانەوە لە چیەتی و تایبەتمەندییە تەکنیکیەکان بابەتە بۆ حاشاکردن نەدەبوو.

News Code 30486

نیشانەکان

بۆچوونی ئێوە

You are replying to: .
  • 7 + 4 =