ئێران لە کاتێکی شیاودا وەڵامی گوناجاو بە ئەمریکا دەداتەوە

وەزیری دەرەوەی ئێران وتی:لەو دۆخەی ئەمریکا دروستی کردووە خۆمان گرفتار ناکەین و هەر کات و بە هەر شێوەیەک کە لەبار بێت وەڵامی ئەمریکا دەدەینەوە.

بە ڕاپۆرتی ئاژانسی هەواڵی مێهر، جەواد زەریف وەیزیری دەرەوە لە گفتوگۆ لە گەڵ کەناڵی یەک تەلەڤیزیۆنی ئێران، وێڕای سەرەخۆش شەهادەتی شەهید سولەیمان بە خەڵک، هاوسەنگەرەکان و بنەماڵەکەی، وتی: پێمان وایە کە ئەمریکییەکان هەڵەی لێکدانەوەیان کردووە و ئەو هەڵە مەترسیدارەیان کردووە. ئەو هەڵە لێکدانەوەییەش بە پێی ڕاوێژدانی نابەجێ لە لایەن وڵاتانی ناوچەکە و ئیسرائیلەوە بووە.

زەریف بە وتنی ئەوەی کە ئەمریکا دژی کەسایەتییەک هەوڵی دا کە لە جیهانی ئیسلام پێگەی تایبەتی هەبوو، زیادی کرد: شەهید سولەیمانی لە ئەفغانستان لە پاڵ خەڵک لە گەڵ قاعیدە شەڕی کرد. لە پاڵ خەڵکی عێراق و سووریا لە گەڵ داعش و بەرەی نوسرە شەڕی کرد و ئەو خەڵکە دەزانن کە ئازادی نیشتمانیان لە گرەوی گیان فیدایی ناوبراو بوو.

زەریف وتیشی: ئێمە تووشی ئەو دۆخە نابین کە ئەمریکییەکان دروستیان کردووە، ئێران هەر کات و بە هەر شێوەیەک کە خۆی بە باشی بزانێت وەڵامی ئەو هەوڵە ئەمریکا دەداتەوە.

ناوبراو وتی: سبەی یا دووسبەی کە پرسی ئەو تیرۆرە لە پەرلەمانی عێراق تاوتوێ کرا خەڵکی عێراق داوای چوونە دەرەوەی ئەمریکا لە عێراق دەکەن.

زەریف سەبارەت بە هەوڵەکانی وەزارەتی دەرەوە، ڕایەگەیاند: وەزارەتی دەرەوە هەوڵی زۆری دەست پێکردووە و من لە گەڵ ئەمینداری گشتی نەتەوە یەکگرتووەکان تەلەفۆنی قسەم کرد. هاوکات نامەیەک بۆ ئەمینداری گشتی نەتەوە یەکگرتووەکان و ئەمینداری گشتی ئەنجومەنی ئاسایش نێردراوە.

زەریف بە وتنی ئەوەی کە هەندێک کەس پێیان وایە کە خەڵکی عێراق لە شەهادەتی سولەیمانی شادن وتی: سبەی دەبینن کە خەڵکی عێراق چلۆن ڕێز لە خزمەتگوزاری خۆیان دەگرن و بەستێنی ڕووخان و کردنە دەرەوەی ئەمریکا لە عێراق خۆش دەکەن.

News Code 30226

نیشانەکان

بۆچوونی ئێوە

You are replying to: .
  • 2 + 1 =