كاتی موزایەداتی بێهودە نییە/ دەبێ ڕێگە لە گۆڕینی دمۆگرافیای ناوچەکە بگیردرێت

سەرۆکی پارتی دیموکراتی کوردستان سەبارەت بە ڕەوتی ناوچە کوردنشینەکانی سووریا و هێرشەکانی تورکیا، پەیامێکی بۆ رای گشتی بڵاوکردەوە.

بە ڕاپۆرتی ئاژانسی هەواڵی مێهر،  مەسعود بارزانی رایگەیاند: سەرباری ئەوەی لە ماوەی ڕابردوو هەوڵی زۆرمان دا كە شەڕ و ناسەقامگیری لە گەلی كورد لە سووریا دوور بكەوێتەوە و چیتر نەهامەتی و كارەسات ڕوو نەدەن، بەڵام بەداخەوە لە چەند ڕۆژی ڕابردوو ناوچە كوردنشینەكانی باكووری سووریا توشی پەلاماردان و دۆخێكی مەترسیدار بونەتەوە".
ئاماژەی بەوەشکردووە کە بەردەوامبوونی شەڕ و ئەو دۆخە مەترسیدارە، هەڕەشەیەكی زۆر جدییە بۆ سەر ژیانی خەڵك و ئاسایش و سەقامگیریی كۆی ناوچەكە دەكاتە ئامانج".
ئەوەشی وتووە کە "لێرەدا بە پێویستی دەزانم بە خەڵكی خۆڕاگری كوردستان و لایەنەكان رابگەیێنم كە، هۆكارەكانی ئەو شەڕە هەرچییەك بوبن و هەر لایەنێك كەمتەرخەم بوبێت یان دەستی لەم دۆخە ترسناكە هەبوبێت، ئێستا كات، كاتی موزایەداتی بێهودە و بۆچونی عاتیفی و هەڵچون نییە". 
باسی لەوەشکردوە کە "كاتی ئەوەیە كە هەموو لایەكمان هەرچی هەوڵ و توانامان هەیە بەكاری بهێنین بۆ ئەوەی كۆتایی بەو شەڕە بێت و چیتر خەڵكی بێ تاوان باجی ئەو دۆخە مەترسیدارە نەدەن و ڕێگەیش لە گۆڕینی دیموگرافیی ئەو ناوچەیە بگیرێت".
 

News Code 28847

نیشانەکان

بۆچوونی ئێوە

You are replying to: .
  • 5 + 12 =