بە راپۆرتی ئاژانسی هەواڵی مێهر بە گێڕانەوە لە سپۆتنیک، شەڕڤان دەروێش وتەبێژی ئەنجومەنی سەربازی مەنبەج ڕایگەیاند: هێزەکانی ئێمە لە ئامادەیی تەواودان و ئێمە لە ژێر فەرماندەیی هێزەکانی سووریای دیموکراتیک (هەسەدە) بۆ بەرەنگاربوونەوەی تورکیا ئامادەین.
ناوبراو سەبارەت بە ئامادەبوون هێزەکانی ئەمریکی و فەڕەنسی لە مەنبەج وتی: ئەمریکا و فەڕەنسا هێشتا لە بنکە سەربازییەکانی خۆیان لە مەنبەج نەکشاونەتەوە.
وتەبێژی ئەنجومەنی سەربازی مەنبەج جەختیشی کرد: ئەگەرچی تا ئێستا هیچ ڕاپۆرتێک لە کشانەوەی هێزی هاوپەیمانی لە مەنبەج نەدراوە، بەڵام ئەو پرسە بەلامانەوە گرینگ نییە و ئێمە پشتمان بە خۆمان گەرمە.
Your Comment