فەرمی بوونەوەی سنووری " کێلە" ی سەردەشت بۆ دوو لایەن گرینگە

جێگری دیپلۆماسی ئابووری وەزیری دەرەوە وتی: فەرمی کردنەوەی سنووری کێلە بۆ دوو لایەنەی گرینگە و عێراق وڵاتێکی ستراتێژیکە بۆ ئێران و هەوڵ دەدرێت تا بازرگانی لە گەڵیان زیاتر پەرە بستێنێت.

بە ڕاپۆرتی ئاژانسی هەواڵی میهر، غوڵامڕەزا ئەنساری دووشەممە لە کۆبوونەوەی لێکدانەوەی کێشە و لەمپەرەکانی سنووری کێلەی سەردەشت جەختی کرد: هەرچی سنوورەکانی ئاوەدانتر و هاتوچۆی بازرگانی تێیدا باشتر بێت ئاسایشی نێوان دوو وڵاتی ئێران و عێراق سەقامگیرترە.

ناوبراو زیادی کرد: بۆ فەرمی کردنەوەی سنوورەکان پێویستە کە هەر دوو لایەنەکە هەوڵ بدەن و هیوادارین لایەنی عێراقیش لە پێکهێنانی ژێرخانی پێویست بۆ سنووری کیلەی سەردەشت هەوڵی زیاتر بدات.

ئەنساری وتیشی: فەرمی بوونەوەی سنووری کێلە یارمەتی زۆر بە گەشەی ناوچەکە بە تایبەتی لە پرسی گەشتیاری دەدات کە لە کۆتاییدا گەشەی ئابووری و دروست کردنی هەلی کاری بە دواوە دەبێت.

ئەقسا نەخشی پوور فەرماندەی شارستانی سەردەشتیش لە ئەو کۆبوونەوە ڕایگەیاند: نەخشەی دروست کردنی ژێرخانەکانی بازاڕچەی کێلە پێک هاتووە و بودجەی پێویست بۆ دەسپێکردنی کاری چێ کردنی بیناکان تەرخان کراوە کە لە داهاتوویەکی نزیکدا دەست پێدەکرێت.

News Code 28781

نیشانەکان

بۆچوونی ئێوە

You are replying to: .
  • 5 + 6 =