کورتە فیلمی "پێشکەش" لە فێستیڤاڵەکانی ڕووسیا و بولیوی وەرگیرا

کورتە فیلمی پێشکەش بەرهەمی حەوزەی هونەری کوردستان ە لە دەرهێنانی بەختیار خەلیلی هاوکات لە شەشەمین فێستیڤاڵی نێونەتەوەیی فیلمی منداڵان و میرمنداڵانی ڕووسیا و سیزدەهەمین خولی فێستیڤاڵی فیلمی منداڵان و میرمنداڵانی بولیوی وەرگیرا.

بە ڕاپۆرتی ئاژانسی هەواڵی مێهر، بەختیار خەلیلی بە کورتە فیلمی "پێشکەش" بەرهەمی حەوزەی هونەری کوردستان هاوکات لە دوو فێستیڤاڵی جیهانی فیلمی منداڵان و میرمنداڵاندا لە ڕووسیا و بولیویدا بەشدار دەبێت.

شەشەمین فێستیڤاڵی نێونەتەوەیی فیلمی منداڵان و میرمنداڵانی ڕووسیا (Zero Plus) بە ئامانجی سازدانی ڕوانگەیەکی ئیجابی و داهێنەرانە لە منداڵان و میرمنداڵاندا لە رۆژانی ٣٠ سێپتامبر تا ٦ی ئاکتەوبر لە ڕووسیا بەڕێوە دەچێ و هەروەها سیزدەهەمین خولی فێستیڤاڵی فیلمی منداڵان و میرمنداڵانی بولیەوی وەک ناسراوەترین فێستیڤاڵی منداڵان و میرمنداڵانی ئەمریکای باشوور لە رۆژانی ٧ تا ١٧ی ئاکتەوبر لە ساری لاپازی بولیویدا بەڕێوە دەچێت.

پێشکەش بەسەرهاتی گوندێکی دوورکەوتەی کوردستاندا کە تێیدا کوڕێکی منداڵی بە دوای رێگەچارەیەک بۆ چارەسەریی سەرئێشەی دایکیدا دەگەڕی و لەوبارەدا تووشی ڕووداوگەلی چاوەروان‌نەکراو دێت.

بەختیار خەلیلی خەڵکی سنەیە و تا ئێستا چەندین کورتە فیلمی بەرهەم هێناوە و لە فێستیڤاڵگەلێکی زۆری ناوخۆیی و دەرەوەییشدا چەندین خەڵاتی گرینگی مسۆگەر کردووە. کورتە فیلمی "ئەوڕۆ" بەرهەمێکی دیکەی ئەو هونەرمەندە کوردەیە.

News Code 28715

نیشانەکان

بۆچوونی ئێوە

You are replying to: .
  • 7 + 4 =