دوژمنیمان لە گەڵ هیچ وڵاتێکی دراوسێ نییە

سەرۆکی ئەرکانی گشتی هێزە چەکدارەکان بە وتنی ئەوەی کە چەندین جار بە دوژمنەکانمان ڕاگەیاندووە کە پتەو لە بەرانبەر دەستدرێژییەکان دەوەستین، وتی: ئاکامی دەستدرێژی بۆ سەر ئێران تێکشکان و بە دیل گرتنە.

بە ڕاپۆرتی ئاژانسی هەواڵی مێهر، لە سەرەتای کۆبوونەوەی گشتی ڕۆژی سێشممەی مەجلیسی شوورای ئیسلامی سەرلەشکەر موحەمەد باقری سەرۆکی ئەرکانی گشتی هێزە چەکدارەکان وێڕای بەرز ڕاگرتنی یادی شەهیدان وتی: لە هەفتەی بەرەڤانی پیرۆز یاد و بیرەوەری شەهیدەکان و ئیمام بەرز ڕادەگرین.

ناوبراو لە میانەی قسەکانیدا وتی: وڵاتانی ئەورووپی ئەمڕۆکە بەڵێنە بەرجامییەکانی خۆیان بەڕێوە نابەن و بەیاننامە دەردەکەن؛ هەر ئەو وڵاتانە پشتیوانی کەسانێک وەکوو سەددام بوون.

باقری زیادی کرد: ئەگەر لە ئاستی ناوچەکە دۆخێکی جیاواز لە چاو ڕابردوو دەبینین و بەرەی بەرخۆدان هێزی گرتووە لە بەرەکەتەکانی شۆڕشی ئیسلامییە. ئەگەر نەتەوەی سووریا ٨ ساڵە لە بەرانبەر دوژمنان دەوەستێت، ئەگەر نەتەوەی عێراق ڕێکخراوی بەرگری خەڵکی پێک دەهێنێت، ئەگەر لوبنان سەقامگیر بووە و ئەگەر یەمەن بە دەستی خالی چوارساڵ و نیوە لە بەرانبەر عەرەبستان و ئیمارات وەستاوە و ئەمڕۆکە هێرش دەکەنە سەر بەرژەوەندییەکانیان، هەموویان شۆرشی ئیسلامی ئێرانیان کردووەتە نمانەی خۆیان.

سەردار باقری وتیشی: چەندین جار بە دوژمنانمان ڕاگەیاندووە کە پتەو لە بەرانبەر دەستدرێژییەکان دەوەستین و هەمان هەڵسوکەوێک کە لە گەڵ فڕۆکە بێ فڕۆکەوانەکەی ئەمریکا، پاپۆڕ و بەلەمەکەی بریتانیا کرا لە گەڵ هەر بەزێنەرێکی دیکە دەکرێت. ئاکامی دەست درێژی بۆ سەر ئێران تێکشکان و ڕاگرتنە.

سەرۆکی ئەرکانی گشتی هێزە چەکدارەکان زیادی کرد: بە وڵاتانی دراوسێی خۆمان لە ناوچەکەش ڕایدەگەیێنین ئێمە لە گەڵ هیچ یەکە لە ئێوە دوژمنیمان نییە، عەرەبستان و ئیمارات کە لە سەرووی هەموو وڵاتانێکن کە لە ناوچەکە دژی ئێمە دەوەستن، وڵاتانێکی ئیسلامین کە ڕێگایان ون کردووە و ئەبێ بگەڕێنەوە داوێنی ئیسلام، بگەڕێنەوە سەر ڕێگای ئێران و هاوڕێیەتی لە گەڵ ئێران. بەو شێوەی ئێمە ناوچەیەکی ئەمن و ئاوەدانمان دەبێت.

News Code 28491

نیشانەکان

بۆچوونی ئێوە

You are replying to: .
  • 5 + 11 =