زەریف مەرجەکانی ئێران بۆ دانوستان لەگەڵ ئەمریکای ڕاگەیاند

زەریف وتی: ئەمریکا ئەگەر بیەوێت بێتەوە ناو ١+٤ چ وەکوو ئەندامێک چ وەکوو میوان، ئەبێ سەرەتا کۆتایی بهێنێت بە شەڕی ئابووری دژی ئێران.

بە ڕاپۆرتی ئاژانسی هەواڵی مێهر لە ناوەندی دەنگ و ڕەنگ، موحەمەد جەواد زەریف وەزیری دەرەوەی ئێران کە چەند کاتژمێر لەمەوپێش گەیشتە نیۆیۆرک، وتی: سەفەری نیۆیۆرک هەلێکی باشە بۆ دیدارە مێدیاییەکان و کۆبوونەوە لە گەڵ ئەندامانی ناوەندە فیکرییەکان.

موحەمەد جەواد زەریف زیادی کرد: دۆخی ئێستای ناوچە، نێودەوڵەتی، پەیمان شکێنیەکانی ئەمریکا و مەترسیگەلێک کە کۆشکی سپی پێکی هێناوە و ڕوانگەکانی ئێران سەبارەت بە ئاسایشی ناوچەکە لە پرسە سەرەکییەکانی لێدوانی سەرۆک کۆمار لە کۆبوونەوەی گشتی نەتەوە یەکگرتووەکان دەبێت.

ناوبراو سەبارەت بە بەرنامەکانی خۆشی وتی: ڕۆژی چوارشەممە لە گەڵ وەزیرانی دەرەوەی ١+٤ کۆ دەبینەوە و پاش ئەوە دیدار لە گەڵ وەزیرانی دەرەوەی بریتانیا، فەڕەنسا و عەمانم هەیە.

وەزیری دەرەوە وتیشی: ئەمریکییەکان ناتوانن هاوکات هەم تیرۆریزمی ئابووری و هەم دانیشتن لە سەر مێزی دانوستان ببەنە پێشەوە.

زەریف ڕایگەیاند: ئەمریکا ئەگەر بیەوێت بێتەوە ناو ١+٤ چ وەکوو ئەندامێک چ وەکوو میوان، ئەبێ سەرەتا کۆتایی بهێنێت بە شەڕی ئابووری دژی ئێران.

زەریف سەبارەت بە گەمارۆی بانکی ناوەندیش وتی: گەمارۆی بانکی ناوەندی نیشانەی داماوی ئەمریکایە. بانکی ناوەندی پێشتریش گەمارۆ درابوو و ئێستا لە ژێر ناوێکی دیکە دووبارە گەمارۆ درا.

News Code 28437

نیشانەکان

بۆچوونی ئێوە

You are replying to: .
  • 8 + 6 =