قەیرانی سووریا تەنیا بە رێکاری ئاشتی‌خوازانە چارەسەر دەبێت

سەرۆک کۆمار بە ئاماژە بەوەی کە قەیرانی سووریا تەنیا بە رێکاری ئاشتی‌خوازانە چارەسەر دەبێت، وتی: پێویستە کۆمەڵگای نێودەوڵەتی بەرەنگاری سەربزێوییەکانی ڕژیمی زایۆنی لە دەستدرێژیی بۆ سووریا بێت.

بە ڕاپۆرتی ئاژانسی هەواڵی مێهر، حوجەتولئیسلام حەسەن ڕۆحانی رۆژی دووشەممە لە پێنجەمین خولی کۆبوونەوەی سەرکردەکانی ئێران، ڕووسیا و تورکیا بۆ دەستەبەرکردنی ڕەوتی ئاستارا لە پێناو چارسەریی قەیرانی سووریا لە ئەنقەرەدا، ڕایگەیاند: ئێمە بەردەوام جەختمان لە پاراستنی یەکپارچەیی و تەواوەتی سەرزەوینیی سووریا، ڕێزنان لە سەروەریی نیشتمانی و سەربەخۆیی، دەستێوەرنەدانی دەرەکی لە کاروباری ناوخۆیی ئەو وڵاتە کردووە.

ڕاشیگەیاند: گرینگترین رۆژەڤی ئێمە هەڵسەنگاندنی هەموو هەوڵەکانی سێ وڵاتی ڕووسیا، تورکیا و ئێران بۆ کۆتایی هێنان بە قەیرانی سووریا لە رێگەی ئاشتی‌خوازانە، بەرەنگاربوونەوەی تیرۆریزم، یارمەتیدانی پێکهاتنی کۆمیتەی دەستوور، گەڕانەوەی ئاوارەکان، ئاڵوگۆڕیی دەستگیرکراوان و ڕفێندراوان، باشتر کردنی دۆخی یارمەتی گەیاندنی مرۆڤدۆستانە، ئاوەدان کردنەوە و هەڵسەنگاندنی هەوڵی نێودەوڵەتی لەو بوارەیە.

سەرۆک کۆمار لە درێژەدا بە ئاماژە بە هەوڵی دوو ساڵە و نیوەی سێ وڵات و دەسکەوتەکان و سەرکەوتنەکان لەو ماوەیە، جەختی کرد: ئەوڕۆکە شایەدی گەشە و تۆکمە بوونی پێگە و کاریگەریی ئەو ڕەوتە لە یارمەتی گەیاندن بە سووریا و لە سەر کۆمەڵگای نێودەوڵەتی بۆ تێپەڕاندنی کێشە و گرفتەکانی ئەو وڵاتەین.

ناوبراو بە بیرهێنانەوەی هەڵوێستی ئێران بۆ چارەسەریی قەیرانی سووریا لە رێگەی رێگەچارەی سیاسییەوە، وتی: ئەو کارە تەنیا لە رێگەی پەیوەندیی سازێنەر و بەشداریی هەموو خەڵکی سووریاوە مومکینە. دەوڵەت و گەلی سووریا خۆیان دەتوانن ئەو رێگە چارەنووسسازە و پڕمەترسییە تێپەڕێنن و کۆماری ئیسلامی ئێران هەر لە سەرەتاوە دژی ناکارامەیی رێگەچارەی سەربازی بۆ کۆتایی هێنان بەو قەیرانە بووە.

ڕۆحانی شەڕی دژی تیرۆریزم بە تایبەت داعش و ئەلقاعیدە و گرووپگەلی سەر بەوانە تا لە ناوبردنی هەمیشەییان لە سووریادا، گفتوگۆ و دانوستان، کەمکردنەوەی ناکۆکییەکان، ڕیفۆرمی دەستوور، گەڕانەوەی ئاوارەکان، ئاڵوگۆڕکردنی دەستگیرکراوان و ئاوەدان کردنەوەی سووریای بە پرێنسیپە هاوبەشەکانی هەموو لایەک زانی و وتیشی: گەڕانەوەی ئاوارەکانی سووری لە وڵاتانی دراوسێ و نادراوسێ و ئاوارە ناوخۆییەکان بۆ سەر ماڵ و زێدی خۆیان، دەتوانێ مایەی خێر و بەرکەت بۆ ئەو وڵاتە بێت.

سەرۆک کۆمار هەروەها ڕەخنەی لە ئامادەبوونی ناشەرعیی سەربازی ئەمریکا لە خاکی سووریا وەک مەترسییەک بۆ سەر ئەندامێکی سەربەخۆی ڕێکخراوی نەتەوە یەکگرتووەکان کرد و جەختیشی کرد: پێویستە لە خێراترین کاتی مومکیندا هێزەکانی ئەمریکی لەو ناوچەیە بکشێنەوە، هەتا سەروەریی دەوڵەتی سووریا لە باکوور و رۆژهەڵاتی فوراتیشدا پەرە بستێنت.

ناوبراو ئاماژەی بە هێرشی دەستدرێژکارانەی ڕژیمی زایۆنی لە ماوەی مانگەکانی ڕابردوو بۆ سەر سووریا کرد و ڕایگەیاند: ئەو دەستدرێژیانە نمانەی ئاشکرای نایاسایی و دەنەدەرییە کە دەتوانێ ببێتە مایەی تێوەگلانی بەربڵاوی ناوچە لە شەڕ و ناکۆکی و بە داخەوە ڕێکخراوە نێودەوڵەتییەکان هەمبەر بەو دەستدرێژکاریانە یان بێدەنگن یان کاردانەوەی گونجاویان نەبووە.

ڕۆحانی لە کۆتاییدا جەختی لە ٥ خاڵ وەک کاکڵی باسەکانی کرد و کە بریتین لە:

١- دەبێ لە هەر هەلومەرجێکدا ڕێز لە سەربەخۆیی، سەروەری و تەواوەتی سەرزەمینی سووریا و دەستێوەرنەدانی دەرەکی لە کاروباری ناوخۆیی ئەو وڵاتەدا بگیرێت.

۲- چارەسەری سیاسیی قەیرانی سووریا لە رێگەی ئەنجام دانی گفتوگۆگەلی سووری – سووری و پێکهێنانی کۆمیتەی دەستوور بە بەشداری نوێنەرانی هەموو چینەکانی خوڵکیی سووریا بە بێ دەستێوەردانی دەرەکی.

۳- ناوچەگەلی دەرەوەی سەروەریی نیشتمانی و لەوان ئەدلەب، رۆژهەڵاتی فورات و بەرزاییەکانی گوڵان دەبێ لە خێراترین کاتی مومکینەدا لە بندەستی گرووپە تیرۆریستییەکان و هێزە داگیرکارەکانی ئەمریکا و ئیسرائیل ئازاد بکرێت و بدرێتەوە بە گەل و دەوڵەتی سووریا.

۴- کۆمەڵگای نێودەوڵەتی دەبێ یارمەتیی خەڵکی سووریا بدەن لە گەڕانەوەی ئاوارەکان بۆ سەر ماڵ و زێدی خۆیان و ئاوەدان کردنەوەی ئەو وڵاتە.

۵- پێویستە کۆمەڵگای نێودەوڵەتی بەرەنگاری سەربزێوەی و دەستدرێژییەکانی ڕژیمی زایۆنی بۆ سەر سووریا و وڵاتانی دیکەی ناوچە ببنەوە و دڵنیا بن کە ئەو هەڵماتانە مەترسین بۆ سەر ئاشتی و ئاسایشی ناوچەیی.

News Code 28374

نیشانەکان

بۆچوونی ئێوە

You are replying to: .
  • 3 + 3 =