ئەمریکا سیاسەتی "درۆی قەبەی" لە دژی ئێران گرتۆتە بەر

وتەبێژی وەزارەتی دەرەوە وتی: وادیارە ئەمریکا بە هۆی شکستی لە سیاسەتەکانی دیکەی، سیاسەتی درۆی قەبەی لە دژی ئێران گرتۆتە بەر.

بە ڕاپۆرتی ئاژانسی هەواڵی مێهر، سەید عەباس مووسەوی وتەبێژی وەزارەتی دەرەوە لە کاردانەوە بە لێدوانەکانی وەزیری دەرەوە و سناتۆرێکی ئەمریکی لەبارەی هێرشی فرۆکەیی بۆ سەر دامەزراوە نەوتییەکانی عەرەبستان، ڕایگەیاند: نزیکەی ٥ ساڵە هاوپەیمانی سعوودی بە دەستدرێژیی جۆراوجۆری بۆ سەر یەمەن و ئەنجامدانی جەنایەتگەلی جەنگی، ئاگری شەڕی بەرداوەتە ناوچە و یەمەنییەکان نیشانیان داوە کە هەمبەر بە شەڕ و دەستدرێژکاری دەوەستن.

مووسەوی بە ئاماژە بە لێدوانەکانی پەمپێئۆی وەزیری دەرەوەی ئەمریکا، راشیگەیاند: تۆمەتی ئاوا نەزانانە و لێدوانی کوێر و بێ بەهرە لە چوارچێوەی دیپلۆماسیدا بێ مانا و پووچە. لە پەیوەندیگەلی نێودەوڵەتیدا تەنانەت " دوژمنایەتی"یش خاوەن لانی کەمێکی بڕوا و تێگەیشتن و لوژیکە و بەرپرسانی ئەمریکی ئەو لانی کەمەش ناپارێزن.

وتەبێژی وەزارەتی دەرەوە لە درێژەدا جەختی کرد: وادیارە ئەمریکا بە هۆی شکستی لە سیاسەتەکانی دیکەی، سیاسەتی درۆی قەبەی لە دژی ئێران گرتۆتە بەر.

ناوبراو لە کۆتاییدا تاقە رێگە چارە بۆ جێگر کردنی ئاسایش لە ناوچە و کۆتایی هێنان بە قەیرانی یەمەنی وەستاندنی هێرش و دەستدرێژییەکانی سعوودی، وەستاندنی یارمەتی سیاسی و چەک و چۆڵی وڵاتانی رۆژئاوایی بە دەستدرێژکاران و دۆزینەوەی رێگەچارەیەکی سیاسی زانی.

News Code 28342

نیشانەکان

بۆچوونی ئێوە

You are replying to: .
  • 4 + 12 =