سنە میوانداریی کۆبوونەوەی گەورەی دەف ژەنەکانی ئێران دەکات

سەرۆکی حەوزەی هونەری کوردستان بە ئاماژە بە بەڕێوە چوونی نۆهەمین فێستیڤاڵی نێودەوڵەتی دەف ژەنی، دەف نەوای ڕەحمەت، وتی: کۆبوونەوەی گەورەی دەف ژەنانی ئێران ڕۆژی سێشەممە ٢٢ی گەلاوێژ لە سنە بەڕێوە دەچێت.

بە ڕاپۆرتی ئاژانسی هەواڵی مێهر، ئەمین مورادی ڕۆژی شەممە لە کۆنفڕانسی ڕۆژنامەڤانی نۆهەمین فێستیڤاڵی نێودەوڵەتی دەف نەوای ڕەحمەت و بەرز ڕاگرتنی ڕۆژی هەواڵنێر وتی: ئەو کۆبوونەوە گەورە لە پارکی شانۆ (ئیستقلال) ی سنە و بە ئامادە بوونی کۆمەڵێک لە دەف ژەنانی ئێران بە جلوبەرگی نەریتی ناوچە جیاجیاکانی ئێران بەڕێوە دەچێت.

ناوبراو بە وتنی ئەوەی کە نۆهەمین فێستیڤاڵی دەف نەوای ڕەحمەت لە ٢٢ تا ٢٤ ی گەلاوێژ و لە درێژەی ڕێزلێنان بە مۆسیقای نەتەوەیی بەڕێوە دەچێت، ڕایگەیاند: ٣٠٤ بەرهەم لە پارێزگا جیاجیاکانی ئێرانەوە نێردراوەتە نووسینگەی فێستیڤاڵی سەرتاسەری دەف ژەنیی "نەوای ڕەحمەت" کە لە چاو ساڵەکانی ڕابردوو گەشەی کەمی بووە.

ناوبراو زیادی کرد: ئەو ژمارە بەرهەمە لە هونەرمەندانی دەف ژەنی ٣٠ پارێزگای ئێران و لە بەشەکانی تاکە کەسی، گرووپی و مەولوودی خوێنی نێردراونەتە نووسینگەی ئەو فێستیڤاڵە کە ٢٤٢ بەرهەم لە بەشی تاکە کەسی و ٦٢ بەرهەم لە بەشی مەولوودی خوێنی و گرووپییە.

بەرپرسی نووسینگەی نۆهەمین فێشتیڤاڵی نێودەوڵەتی دەف ژەنی دەف نەوای ڕەحمەت زیادی کرد: ئەمساڵ لە ئەو فێستیڤاڵە جگە لە گرووپە دەف ژەنییە ناوخۆییەکان، مۆسیقای عێرفانی و ئایینی وڵاتی پاکستان و ئەفغانستان، مۆسیقای هیندی و گرووپی یاران لە هەرێمی کوردستانیش بەرنامەیان هەیە.

News Code 27854

نیشانەکان

بۆچوونی ئێوە

You are replying to: .
  • 8 + 8 =