سوپای پاسداران پلانی هێرش بۆ سەر ناخی دوژمنی لەبەردەستە/ هەموان دەزانن ئێران بەهێزە

فەرماندەی هێزی زەوینی سوپای پاسداران وتی: دوکتۆریەنی هێرش بۆ سەر ناخی دوژمن کە لە مانۆڕی پێغەمبەری مەزنی ١٢، مەشقی لە سەر کرا لە رۆژەڤی کارەکانی هێزی زەوینی سوپادایە.

بە ڕاپۆرتی ئاژانسی هەواڵی مێهر، سەردار محەمەد پاکپوور فەرماندەی هێزی زەوینی سوپا لە کۆڕبەندی فەرماندە و بەرپرسانی هێزی زەوینی سوپا کە لە شاری مەشهەدی پیرۆز بەڕێوە دەچێت، بە ئاماژە بە دەسەڵاتی ئێرانی ئیسلامی لە ڕەهەندگەلی جۆراوجۆرەوە، ڕایگەیاند: کۆماری ئیسلامی ئێران ئەوڕۆکە دەسەڵاتێکی بەرچاوە لە ناوچەدا و ئەمریکا تاقەتی قبووڵ کردنی ئەو ڕاستییەی نییە.

ڕاشیگەیاند: کرانە ئامانجی فرۆکەی بێ فرۆکەوانی دەستدرێژکاری دوژمن لەم دواییەدا، هەلومەرجی لە بەرژەوەندیی کۆماری ئیسلامیدا گۆڕی و بەو کارە هەیمەنەی ئەمریکا تێکشکا و پاش ئەو ڕووداوە هەموو زانیان کە ئێمە چەندە بە هێزین.

سەردار پاکپوور بە ئاماژە بە گرینگیی کەڵک وەرگرتن لە توانستی ناوخۆپی بۆ هەڵوەشاندنەوەی گەمارۆکان جەختی کرد: ئێمە ئەگەر هەمبەر بە گەمارۆکانی دوژمن لاواز بجووڵێینەوە، دوژمن ئەو لاوازییە لە دژی خۆمان بە کار دێنێت.

ناوبراو لە درێژەدا ئاماژەی بە پەیمان شکێنیی ئەمریکا لە بەرجام دا و وتی: ئێمە نابێت هەمبەر بە دوژمنان پاشەکشێ بکەین و ڕێ بۆ پێشڤەچوونیان خۆش بکەین، هەر بۆیە بەرەنگاربوونەوەی پەیمان شکێنیی دوژمنان لە بەرجام خراوەتە پلانی کاریی کۆماری ئیسلامی ئێران.

فەرماندەی هێزی زەوینی سوپا بە ئاماژە بە توانست و لێهاتوویی وڵات لە بواری تەکنۆلۆژیا، وتیشی: دوکتۆریەنی هێرش بۆ سەر ناخی دوژمن کە لە مانۆڕی پێغەمبەری مەزنی ١٢ مەشقی لە سەر کرا، لە رۆژەڤی هێزی زەوینی سوپادایە و هاوسەنگ لە گەڵ ئەو دوکتۆریەنە، ڕاهێنان، ئیمکانات و جیهازات و پەروەردەی هێزی ڕەزمەندەی لێهاتوو، شۆڕشی و بوێر و بە ئیمان و ئاگادار زیاتر لە جاران ئەنجام دەدرێت.

News Code 27328

نیشانەکان

بۆچوونی ئێوە

You are replying to: .
  • 3 + 9 =