هەڵوێستی تورکیا هەمبەر بە پێشڕەویی سوپای سووریا لە ئەدلەب

میدیایەکی عەرەبی هەڵویستی تورکیا هەمبەر بە پێشڕەوییەکانی سوپای سووریا لە باشووری ئەدلەبی لێک دایەوە.

بە ڕاپۆرتی ئاژانسی هەواڵی مێهر، "رای الیوم" لە یادداشتێکدا ڕایگەیاند: درێژەی پێشڕەوییەکانی سوپای سووریا لە باشوری ئەدلەب و ئازادکردنەوەی ناوچەگەلی ستراتژی، هەندێک پرسیاری لەبارەی بێدەنگی تورکیا بە دواوە بووە و لەمناوە پێناچێت کەس بەها بە داخوازیی خولۆسی ئاکار وەزیری بەرگریی تورکیا بۆ وەستاندنی ئۆپەراسیۆنی سوپای سووریا لە باشووری ئەدلەب، بدات. چونکە ئو هێزانە لەماوەی رۆژانی ڕابرتدوو پێشڕەویی بەرچاویان بووە و توانیویانە ناوچەگەلی ستراتژیکی وەک کوفرنەبووە، قەڵامەزیق، تەل هەواش، کراکات و شێخ ئیدریس ئازاد بکەن.

ئەو میدیایە نووسی: ئۆپەراسیۆنەکان لە کاردانەوە بە هێرشی گرووپی تیرۆریستی هەیئەتولشام بۆ سەر بنکەی حەمیمیەمی ڕووسیا ئەنجام دراوە و هاوکات ڕووسەکانیشی هان دا کە دەست لە سیاسەتی دان بە خۆدا گرتن لە باکووری سووریا هەڵگرن و ودایارە ڕووسەکان لە کەمتەرخەمیی تورکیا بۆ جێبەجێ کردنی بەڵینەکانیان هەمبەر بە گرووپگەلی چەکدار لە ئەدلەب، وەڕەز بوونە و خۆیان قۆڵیان لێ هەڵمالیوە.

"رای الیوم" بە ئاماژە بەوەی کە بەرپرسانی تورکیا هەر لە ئیستاوە نیگەرانی شەپۆلی ئاوارەکان و کەسانی چەکداری ئەدلەب بەرەو سنوورەکانی خۆیانن، ڕاشیگەیاند: بێ شک پێشڕەویی سوپای سووریا بۆ وەرگرتنەوەی ئەدلەب و زاڵ بوون بە سەر ڕێڕەوگەی بابولهەوا لە سنوورەکانی سووریا – تورکیا درێژەی دەبێ و ڕەنگە ئەوە بە ڕەزامەندیی ئەنقەرە بێت، چونکە هیزەکانی تورکیا نایانەوێ بە سەر گرووپە میلیشیاکانی هاوپەیمانی خۆیان زاڵ بن و ئەو ڕۆڵەیان سپاردۆتە سوپای سووریا بە هاوئاهەنگیی ڕووسیا.

News Code 26450

نیشانەکان

بۆچوونی ئێوە

You are replying to: .
  • 3 + 13 =