گەل یەکگرتوو بێت پیلانەکانی دوژمن لە زیانی خودی دوژمن تەواو دەبێت

ڕێبەری باڵای شۆڕشی ئیسلامی ئێران وتیان: بە یەکگرتوویی گەل، پیلانەکانی دوژمن بە هەموو پڕوپاگەندەکانیەوە بۆ شێواندنی زەین و تێکەڵ کردنی گۆڕەپانەکە، لە زیانی ئەو تەواو دەبێت.

بە ڕاپۆرتی ئاژانسی هەواڵی مێهر، پێش نیوەڕۆی ئەمڕۆ چوارشەمە ۱۱ی گوڵان، ژمارەیەک لە مامۆستایانی قوتابخانەکانی ئێران بە بۆنەی هاتنی هەفتەی مامۆستاوە چوونە دیداری ڕێبەری باڵا.

ئایەتوڵڵا خامنەیی  لەم دیدارەدا وتیان:ئێوە مامۆستایان لە شوناسی فەرهەنگی دروست دەکەن تا کۆمەڵگا هەست بە شوناس بکات. دەیانەوێت بە جێبەجێ کردنی بەڵگەنامەی ۲۰۳۰ لە وڵاتانی موسڵمان، سەرباز و ژێردەستە بۆ ئەمریکا و بریتانیا دروست بکەن.

وتیشیان: شارستانیەتی، پشت بە فەرهەنگ دەبەستێت. ئەگەر فەرهەنگ و دەوڵەمەند نەبێت، شارستانیەت نایێتە  دی. لێرەدایە کە گرینگایەتی بەڵگەی ۲۰۳۰ دیارە. ناوەڕۆکی ئەم بەڵگەنامە ئەوەیە کە سیستەمی فێرکاری ئێمە دەبێ  شێوازی ژیان و فەلسفەی  ژیان لەسەر بنەمای بیانی بە منداڵ فێر بکرێت. واتا ئێوە لە وانگەدا سەرباز بۆ ڕۆژاوا دروست بکەن.

ئایەتوڵڵا خامنەیی ڕایانگەیاند: هۆکاری ئەوەی کە ئەمانە کار لەسەر بەڵگەی ۲۰۳۰ دەکەن، ئەوەیە کە لەم بەڵگەیەدا فەرمان دراوە کە ڕاهێنان و بارهێنان، هزر و بیری قوتابیان بە جۆرێک بگۆڕێت کە بنەماکانی ژیانیان بە گوێرەی فیکری ڕۆژاوایی بێت.

ئەوەشیان وت کە ئەم بەڵگە واتا ئێوە سەرباز بۆ ئەمریکا و بریتانیا و دیکەی دڕندە کان دروست بکەن؛ ئەوانەی کە مرۆڤ دەکوژن و یارمەتی مرۆڤ کوژەکان دەدەن،بێ ئەوەی ئاڵۆزیش بن. دەڵێن چونکوو پێویستمان بە پارە هەیە یارمەتیان دەدەین. ئێستا ئەمانە دەیانەوێت ئێمە لە وڵاتانی موسڵماندا بۆ ئەمانە سەرباز و نۆکەر و بەردەست ڕابهێنین. ۲۰۳۰ ئەمەیە.

ئایەتوڵڵا خامنەیی لە دوایین بەشی قسەکانیاندا ئاماژەیان دایە ڕیزبەندی جەنگی دوژمن و هێرشەکانیان لە بوارەکانی ئابووری، سیاسی، دزەی هەواڵگری و زەبردان لە ڕێگای مەجازی و زیادیان کرد: ئەمریکا و زایۆنیزم لە هەموو لایێکەوە خەریکی پلانرێژی و پیلانگێرین، هەڵبەت ئەمە تەنیا تایبەت بە دەوڵەتی ئێستای ئەمریکا نییە، پێشووترەکانیش هەر ئەم کارەیان دەکرد بەڵام بە دەستپۆشی مەخمەڵیەوە کەچی ئێستا سەرۆک کۆماری ئەمریکا دەستپۆشەکەی هەڵگرتووە و دەستی ئاسنی ئەمریکییەکانی دەرخستوە.

جەختیشیان کرد: لە بەرانبەر ڕیزبەندی جەنگی دوژمن دژی گەلی ئێران، گەلیش دەبێ ڕیزبەندی جەنگی ببێت و هەموو بەرپرسان، گەل و کەسانی بلیمەت و بە توانا لە هەموو بوارەکان دەبێ هەست بە بەرپرسیارێتی بکەن و بێنە مەیدان.

 ئەوەشیان وت کە دوژمن بە ڕواڵەت ڕیزبەندی جەنگی نییە کە هەڵبەت هێزە سەربازییەکانی ئێمە وریان.

 ئایەتوڵڵا خامنەیی جەختیشیان کردەسەر زەروورەتی پاراستنی یەکگرتوویی و وتیان: هەمووان دەبێ وریا بن بە هۆی ڕای جیاوازەوە لەیەەکتر ئاڵۆز نەبن چونکوو بە هێزی گەل بەستراوە بە یەکگرتووییەوە.

 وتیشیان: بێ گومان گەنجانی ئازیزی ئێرانی سەربەرز، شکست هێنانی ئەمریکا و چۆک دادانی زایۆنیزم و سەربەرزی گەلی ئێران دەبینن.

News Code 26293

نیشانەکان

بۆچوونی ئێوە

You are replying to: .
  • 2 + 9 =