کوژران و بریندار بوونی ۱۰ سەربازی تورکیا لە سنووری هەرێمی کوردستان

وەزارەتی بەرگری تورکیا ڕایگەیاند کە چوار سەربازی ئەو وڵاتە لە سنووری نێوان هەرێمی کوردستان و تورکیا کوژراون.

بە ڕاپۆرتی ئاژانسی هەواڵی مێهر، لە بەیاننامەیەکدا کە بەیانی ئەمڕۆ شەممە وەزارەتی بەرگری تورکیا بڵاویکردەوە هاتووە: لە شەڕێکدا لەسەر سنووری کوردستانی عێراق و کوردستانی تورکیا لەگەڵ پەکەکە، چوار سەربازی تورکیا کوژراون.

 ئاماژەش دراوە کە دوێنێ هەینی لە شەڕی خەستی نێوان هێزەکانی سوپای تورکیا و چەکدارەکانی  پارتی کرێکارانی کوردستان، چوار سەربازی تورکیایی کوژراون و شەشی دیکەش برینداربوون.

ئەوەش ئاشکرا کراوە کە دوو لە کوژراوەکان دوای ئەوەی بە برینداری گەیەنراونەتە نەخۆشخانە گیانیان لەدەستداوە.

تا ئێستا میدیاکانی پەکەکە سەبارەت بە شەڕەکە هیچ ئامارێکیان بڵاونەکردووەتەوە.

News Code 26119

نیشانەکان

بۆچوونی ئێوە

You are replying to: .
  • 4 + 3 =