وەڵامی هەڵوێستی دژبەرانەی ئەمریکا بەرانبەر سوپای پاسداران دەدەینەوە

وەزیری دەرەوەی ئێران لە دانیشتنی کۆمیسیۆنی ئاسایشی نیشتمانی مەجلیس جەختی کرد کە لە ئەگەری تۆمارکرانی ناوی سوپا لە لیستی گرووپگەلی تیرۆریستی، ئێرانیش وەڵامی بەرامبەر دەداتەوە.

عەلی نەجەفی خۆشروودی لە لێدوانێک بۆ ئاژانسی هەواڵی مێهر سەبارەت بە دانیشتنی ئەوڕۆی کۆمیسیۆنی ئاسایشی نیشتمانی و سیاسەتی دەرەکی مەجلیسی شۆڕای ئیسلامی ڕایگەیاند: لەو دانیشتنە بە ئامادەبوونی وەزیری دەرەوە دوا گۆڕانکارییەکانی سیاسەتی دەرەکی و پلان و هەنگاوەکانی بەردەم دەزگای دیپلۆماسی وڵات تاوتوێ کرا.

وتەبێژی کۆمیسیۆنی ئاسایشی نیشتمانی و سیاسەتی دەرەکی مەجلیس ڕاشیگەیاند: وەزیری دەرەوە پلانی شیمانەیی ئەمریکا بۆ تۆمارکردنی ناوی سوپای پاسداران لە لیستی تیرۆریستیی ئیدانە  و جەختی کرد کە پلانی لەو چەشنە مەترسیی زۆری بە دواوەیە و ئەگەرچی ئێران بە دوای ناکۆکییەوە نەبووە و نییە، بەڵام لەو ئەگەرەدا ئێران وەڵامی بەرامبەر دەداتەوە بەو پلانەی ئەمریکا.

ناوبراو لە درێژەدا وتی: لە دانیشتنەکەدا وەزیری دەرەوە سەبارەت بە هەوڵەکانی ئەو وەزارەتخانەیە و لەوان ناردنی یادداشتێک بۆ باڵوێزخانەی سویسرا لە تاران وەک پاریزەری بەرژەوەندییەکانی ئێران، دوا.

نەجەفی خۆشروودی وتیشی: زەریف هەروەها ڕەخنەی لە بەیاننامەی ئەم دواییەی گرووپی حەوت گرت و ئەو کارەی بە پێشێل کردنی بەرجام لە لایەن وڵاتانی ناو ڕێککەوتنەکە زانی.

وتەبێژی کۆمیسیۆنی ئاسایشی نیشتمانی و سیاسەتی دەرەکی مەجلیس ئاماژەی بەوەش دا: سەرۆکی دەزگای دیپلۆماسی لەو دانیشتنەدا دیداری ئەم دواییە لە گەڵ بەرپرسانی عێراقیی مێژوویی وەسف کرد و ڕوانییە دەسکەوتەکانی ئەو دیدارە و لەوان جۆماڵ کردنی ئەلوەن، دەرکردنی ڤیزای خۆڕایی لە پەیوەندییەکانی دوو وڵات و هەوڵ بۆ پەرەدان بە پەیوەندیگەلی ئابووریی نیوان ئێران و عێراق.

ناوبراو لە کۆتاییدا ڕوونی کردەوە: لە دانیشتنەکەدا زەروورەتی تۆکمە کردنی دیپلۆماسیی ئابووری و وەبەرهێنانی دەفرایەتی پەیوەندیی دراوسێتی، هەنگاوی پێشگرانەی ئەمریکا لە بەردەم گەیشتنی یارمەتیی مرۆڤدۆستانە بە لافاولێدراوانی وڵات، تیرۆریزمی ئابووریی ئەمریکا، دوا هەلومەرجەکانی ئینستێکس و پلانی مەجلیس بۆ بە تیرۆریست ناسرانی هیزی سەربازی ئەمریکا لە ناوچەدا لە ئەگەری بە تیرۆریست ناسرانی سوپا لە لایەن ئەمریکاوە خرایە بەر باس و تاوتوێ کرا.

News Code 25922

نیشانەکان

بۆچوونی ئێوە

You are replying to: .
  • 5 + 9 =