حەشدی شەعبی عێراقی لە مەترسی ڕزگار کرد

سەرۆک کۆماری عێراق ئاماژەی بە ڕۆڵی گرینگی حەشدی شەعبی لە بەرەنگاریی مەترسی داعش کرد و باسی لە کاتی سەفەری عادل عەبدولمەهدی سەرۆک وەزیرانی عێراق بۆ عەرەبستان کردەوە.

 بە ڕاپۆرتی ئاژانسی هەواڵی مێهر لە شەرقولئەوسەت، بەرهەم ساڵح، سەرۆک کۆماری عێراق ڕایگەیاند: کاتێک داعش دەستی بەسەر مووسڵدا گرت، بەغدا هەڕەشەی لەسەر بوو و ئایەتوڵڵا سیستانی فەتوای جەهادی دەرکرد و زۆربەی گەنجان بۆ بەرەڤانی لەو وڵات هەستان.

ڕاشیگەیاند: ئەگەر حەشدی شەعبی نەبووایە ئێمە لە مەترسیدا بووین. حەشدی شەعبی ئێمەی لە مەترسی ڕزگار کرد. ئەوان گیانفیداییان کرد. حەشدی شەعبی بەشێک لە هێزی ئەمنیەتی عێراقە و بەردەوام دەبێت لە ڕاسپاردەییەکانی.

سەبارەت بە ئامادەبوونی ئەمریکاییەکان لە عێراق وتی: ئەمریکییەکان پاش داگیرکردنی مووسڵ بە دەستی داعش لەسەر داخوازی دەوڵەتی عێراق هاتن و بۆ ئەوەی هێزە عێراقییەکان بتوانن بەرەڕووی ئەم تەنگژە ببنەوە. جەخت لەسەر ئەوەیە کە بنکەی سەربازی ئەمریکا و هێزی زەوینی شەڕی ئەمریکا لە عێراق نەبن.

 ئەو پەیوەندی عەرەبستان و عێراقی بە ڕوو لە گەشە زانی و لە سەفەری عادل عەبدولمەهدی سەرۆک وەزیری عێراق بۆ عەرەبستان لە ناوەڕاستی ئەم مانگە هەواڵی دا.

 بەرهەم ساڵح ئاماژەی بە پێگەی ناوچەیی عێراق کرد و وتی: ئێمە بەشێک لەم ناوچەیەین و دراوسێ گرینگمان وەک ئێران و تورکیا هەیە.

News Code 25843

نیشانەکان

بۆچوونی ئێوە

You are replying to: .
  • 2 + 0 =