بە ڕاپۆرتی ئاژانسی هەواڵی مێهر، ئایەتوڵڵا خامنەیی ڕێبەری باڵای شۆڕشی ئیسلامی ئێران بە بۆنەی ساڵی نوێ پەیامێکی پیرۆزباییان بڵاوکردەوە و ناوی ئەم ساڵەیان نا ساڵی پەرەدان بە بەرهەم هێنان.
لەو پەیامەی ڕێبەری باڵای ئێراندا هاتووە: ساڵی ڕابردوو ساڵێکی پڕ لە ڕووداو بوو، گەلی ئێران بە ڕاستی درەوشانەوە، دوژمنەکان پیلانیان گێڕا، پیلانیان بۆ گەلی ئێران بوو، بەهێزی و خۆراگری گەلی ئێران و هیمەتی گەنجان،پیلانی دوژمنەکانی پووچەڵ کردەوە. لە بەرانبەر گەمارۆکاندا گەلی ئێران هەم لە بواری سیاسی و هەم ئابووری کاردانەوەی بەهێز و خۆڕاگرانەیان بوو.
ڕێبەری ئاماژەیان بە کێشە ئابوورییەکان و گەمارۆی وڵاتانی بیانی دژی ئێران دا و جەختیان کرد: ڕێگای چارەسەریی هەموو ئەم گرفتانە، گەشەپێدانی بەرهەم هێنانی نەتەوەییە.
ڕاشیانگەیاند کە دەبێ هەموان هەوڵ بدەین بەرهەم هێنان لە وڵات پەرە بسێنێت کە ئەگەر پشت بە خوا وابێت و ئەوە بێتە دی بەرێژەیەکی بەرچاوکێشە ئابوورییەکان چارەسەر دەبێت.
Your Comment