هه‌رجۆره‌ لێکدانه‌وه‌یه‌ک له‌بارەی ده‌ست له‌ کارکێشانه‌وه‌ی زه‌ریف هه‌ڵه‌یه‌

وته‌بێژی وه‌زاره‌تی ده‌ره‌وه‌ی ئێران وتی: هه‌رجۆره‌ لێکدانه‌وه‌یه‌ک له‌ ده‌ست له‌ کارکێشانه‌وه‌ی محه‌مه‌د جه‌واد زه‌ریف بێجگه‌ له‌و شته‌ی له‌ سه‌ر په‌یجی ئینیستاگرامی خۆی نووسیویه‌تی، هه‌ڵه‌یه‌.

به ڕاپۆرتی ئاژانسی مێهر، به‌هرام قاسمی، وته‌بێژی وه‌زاره‌تی ده‌ره‌وه‌ی ئێران سه‌باره‌ت ده‌ست له‌ کار کێشانه‌وه‌ی وه‌زیری ده‌ره‌وه‌ی ئێران وتی: هه‌رجۆره‌ لێکدانه‌وه‌یه‌ک له‌ ده‌ست له‌ کارکێشانه‌وه‌ی محه‌مه‌د جه‌واد زه‌ریف بێجگه‌ له‌و شته‌ی له‌ سه‌ر په‌یجی ئینیستاگرامی خۆی نووسیویه‌تی، هه‌ڵه‌یه‌ و تاکوو ئێسته‌ش سه‌رۆک کۆماری ئێران ئه‌م ده‌ست له‌ کار کێشانه‌وه‌ی قبوڵ نه‌کردووه‌.

ئه‌و زیادی کرد: سوود بردنی بڕێک جه‌مسه‌ری سیاسیی له‌مه‌ کارێکی زۆر ناشرینه‌، هه‌موو خواستی ئه‌و هه‌ر له‌ سه‌ره‌تای کاره‌وه‌ ئه‌وه‌ بوو که‌ پله‌به‌رزی وه‌زاره‌تی ده‌ره‌وه‌ی ئێران ڕابگرێت و پشتیوانی له‌ مافی خه‌ڵکی ئێران بکات. کورت کردنه‌وه‌ی ئه‌م خزمه‌ته‌ گه‌ورانه‌ بۆ بابه‌تێکی بچووک نادادپه‌روه‌رانه‌یه‌ و دژی ئامانجه‌ به‌رزه‌کانی شۆڕشی ئیسلامی و ئه‌خلاق و به‌ژه‌وه‌ندییه‌کانی ئێرانه‌.

وته‌بێژی وه‌زاره‌تی ده‌ره‌وه‌ی ئێران وتی: ئه‌م هه‌واڵه‌ش دووره‌ له‌ ڕاستی که‌ به‌رپرسانی دیکه‌ی وه‌زاره‌تی ده‌ره‌وه‌ ده‌ستیان له‌ کار کێشابێته‌وه‌. وه‌ک دوکتور زه‌ریفیش ئاماژه‌ی پێدا هه‌موو باڵوێزه‌کانی ئێران به‌ هه‌موو توان و هێزیانه‌وه‌ سه‌رقاڵی کاره‌کانی خۆیانن و به‌رده‌وامیش ده‌بن له‌ پاراستنی به‌ژوه‌ندییه‌کانی ئێران.

قاسمی له‌ کۆتایدا وتی: دوکتور زه‌ریف له‌م ساڵانه‌دا هه‌موو توان و هزری خۆیی به‌ کار هێناوه‌ تاکوو پله‌ی ئێران له‌ جیهان به‌رز بکاته‌وه‌ و په‌ره‌ به‌ په‌یوه‌ندییه‌ دوو لایه‌نه‌کان، ناوچه‌ییه‌کان و جیهانییه‌کانی ئێران بدات، بێ گومان خه‌ڵکی هۆشار و ئاگاداری ئێران به‌ باشی ڕێز له‌م هه‌موو هه‌وڵ و تێکۆشانه‌ ده‌گرن.

News Code 25261

نیشانەکان

بۆچوونی ئێوە

You are replying to: .
  • 7 + 6 =