بە ڕاپۆرتی ئاژانسی هەواڵی مێهر بە گێڕانەوە لە حورییەت، هولۆسی ئاکار وەزیری بەرگریی تورکیا ئەمڕۆ سێ‌شەممە لە لێدوانێکدا لە ئەنقەرە ڕایگەیاند: ئامادەکاریی پێویست بۆ بۆ بەڕێوەبردنی ئۆپەراسیۆنی شیمانەیی لە رۆژهەڵاتی فوراتی سووریا بە مەبەستی پاککردنەوەی ئەو ناوچەیە لە بندەستی هێزەکانی پەکەکە بە ئەنجام گەیشتووە.
وەزیری بەرگریی تورکیا ڕاشیگەیاند: لەوبارەیەوە پلانی هەموو هەنگاوێک داڕیژراوە و بە پێی نەخشە و پلان دەچینە پێش.
هولۆسی ئاکار لەبارەی نەخشەڕیی مەنبەج ڕوونی کردەوە: دانوستانی بەربڵاو و گفتوگۆی نێوان بەرپرسانی سەربازیی تورکیا و ئەمریکا لەو بوارەدا درێژەی هەیە و لە رۆژانی داهاتوو لە گەڵ ئەمریکییەکان کۆ دەبینەوە. نەخشەڕێی ئەو ئۆپەراسیۆنە لە چوارچێوەی بڕیارە دەرکراوەکان لە باڵاترین ئاستدا دادەڕێژرێت.
ناوبراو هەروەها لە وەڵامی پرسیار لە چۆنیەتی ڕادەست کرانی سیستەمی مووشەکیی S-۴۰۰ لە لایەن ڕووسیاوە، وتی: ئەو ڕەوتە بە پێی نەخشە و پلانی پێشتر لە جێبەجێ بوون دایە.
Your Comment