نووسەری "مێژووی هەورامان" کۆچی دوایی کرد

موزەفەر بەهمەن سوڵتانی ناسراو بە موزەفەر خانی ڕه‌زاو لە نووسەرانی ناسراوەی ناوچەی هەورامان لە تەمەنی ٩٦ ساڵیدا لە گوندەی ڕه‌زاوی سەر بە شاری سەوڵاوا کۆچی دوایی کرد.

بە ڕاپۆرتی ئاژانسی هەواڵی مێهر، لە ڕێوڕەسمی پرسه‌ و سەرەخۆشیی ئەو نووسەر و مێژوونووسە ناسراوە هەورامییە کە رۆژی پێنج‌شەممە لە گوندی ڕه‌زاو بەڕێوەچوو، ئەنجومەنگەلی مه‌ده‌نی و ئەدەبی و لەوان ئەنجومەنی فەرهەنگی – ئەدەبی بێسارانی و کەسایەتیگەلێکی ناسراوە فەرهەنگی، کۆمەڵایەتی و سیاسی بەشدار بوون.

هەروەها لەو ڕێوڕەسمەدا مامۆستایان ئەحمەد نەزیری، موختار ئیسلامی و فایق ڕۆستمی و چەند شاعیر و نووسەری دیکە لە لایەن خۆیانەوە باسی پێگەی زانستی و بەرهەمەکانی مامۆستا موزەفەر بەهمەن سوڵتانی-یان کرد.

موزه‌فه‌ر خان بەهمەن سوڵتانی  لە ساڵی ١٣٠١ی هەتاوی لە گوندی ڕه‌زاو  لە دایک بووە و کتێبی "مێژووی هەورامان"ی بە پێی ڕاپۆرتەکانی مەڵا عەبدوڵڵای هەورامی (شەیدا هەورامی) کۆکرده‌وه‌ و دایڕشتووە و لە لایەن دوکتۆر نادر کەریمیان سەردەشتی پێداچوونەوەی بۆ کراوە و لە ساڵی ١٣٨٦ی هەتاوی لە لایەن بڵاڤۆکەی ئێحسان لە تاران چاپ و بڵاو بۆتەوە.

News Code 22805

نیشانەکان

بۆچوونی ئێوە

You are replying to: .
  • 6 + 11 =