کوژرانی ۱۸ سه‌ربازی تورکیا له‌ ناوچه‌ کوردنشینه‌کان

هێزەکانی پاراستنی گەل (هەپەگە) باڵی سه‌ربازی په‌که‌که‌ ڕایگه‌یاند که‌ ۱۸ سه‌ربازی تورکیایان له‌ ناوچه‌ کوردنسینه‌کانی ئه‌م وڵاته‌ کوشتووه‌.

به‌ ڕاپۆرتی ئاژانسی هه‌واڵی مێهر، هه‌په‌گه‌ رایگه‌یاند: لە ڕۆژی دووشەممەی ڕابردوو لە سنووری ناحیەی جەلی لە جولەمێرگ هێرشیان کردووەتە سەر چەند سەربازێکی سوپای تورکیا و لانیکەم پێنج سەربازیان کوشتووە.

 بە پێی راگەیەندراوەکە، ئێوارەی هەمان ڕۆژ کاروانێکی سوپای تورکیایان کردووەتە ئامانج، کە لە جولەمێرگەوە بەرەو جەلی بەڕێکەوتووە، لەو هێرشەدا ١٠ سەرباز کوژراون و ئۆتۆمبێلێکی سەربازی تێکشکاوە.

هەر بە گوێرەی ڕاگەیەندراوەکە، ڕۆژی ١٧ی ئەم مانگە هێزەکانی پاراستنی گەل هێرشێکیان لە ناوچەی کورتکا ئەنجامداوە، لە ئەنجامدا سێ سەربازی سوپای تورکیا کوژران و دووانی تر برینداربوون.

News Code 19664

نیشانەکان

بۆچوونی ئێوە

You are replying to: .
  • 9 + 3 =