بە ڕاپۆرتی ئاژانسی هەواڵی مێهر، ڕاید بێوار عەبدولعەزیز بەرپرسى ڕاگەیاندن و پەیوەندییەکانى بەرگرى شارستانى پارێزگاى دهۆک بە ئێن ئاڕ تى ڕاگەیاند: "لەناحییەى فەهیدى سەر بە پارێزگاى دهۆک دوو ئۆتۆمبیل ئاوى لافاو بردوونى و لە نێو ئەو ئۆتۆمبێلانەدا چوار کەس نادیارن و پێشبینى دەکرێت ئەو کەسانە خنکابن ".
ڕاشیگەیاند: "٣٠ ئۆتۆمبێل و ٥٠ خانووى هاوڵاتیان لە دهۆک ژێر ئاوکەوتوون و ٢٨ ماڵیش کەلوپەلى ماڵەوەیان بەتەواوەتى لەناوچووە".
بەرپرسەکەى بەرگرى شارستانى دهۆک ئاشکراشیکرد، هەموو تیمەکانى ئەوان لە حاڵەتى ئامادەباشیدان و وەکو پێویستیش ئامێرەکانى بەهاناوەچوون لە بەردەستيان نین.
لە ئێوارەى ڕۆژى شەممەوە شەپۆلێکى باران بارین ڕووى لە پارێزگاى دهۆک و دەوروبەرى کردووەو بەوهۆیەوە لافاو دروستبووەو زیانێکى زۆریش بەهۆى ئەو لافاوەوە بەر هاوڵاتیان کەوتووە.
Your Comment