چوار هاووڵاتی لەنێو دوو ئۆتۆمبێلدا لە دهۆک ئاو بردوویانیەتى

بەرگرى شارستانى دهۆک دواین زانیارییەکانى سەبارەت بەزیانى لافاوەکەى شەوى شەممە ئاشکراکردو ڕاشیگەیاند چوار کەس لەنێو دوو ئۆتۆمبێلدا ئاو بردوویانیەتى و پێدەچیت بەهۆى لافاوەکەوە خنکابن.

بە ڕاپۆرتی ئاژانسی هەواڵی مێهر، ڕاید بێوار عەبدولعەزیز بەرپرسى ڕاگەیاندن و پەیوەندییەکانى بەرگرى شارستانى پارێزگاى دهۆک بە ئێن ئاڕ تى ڕاگەیاند: "لەناحییەى فەهیدى سەر بە پارێزگاى دهۆک دوو ئۆتۆمبیل ئاوى لافاو بردوونى و لە نێو ئەو ئۆتۆمبێلانەدا چوار کەس نادیارن و پێشبینى دەکرێت ئەو کەسانە خنکابن ".

ڕاشیگەیاند: "٣٠ ئۆتۆمبێل و ٥٠ خانووى هاوڵاتیان لە دهۆک ژێر ئاوکەوتوون و ٢٨ ماڵیش کەلوپەلى ماڵەوەیان بەتەواوەتى لەناوچووە".

بەرپرسەکەى بەرگرى شارستانى دهۆک ئاشکراشیکرد، هەموو تیمەکانى ئەوان لە حاڵەتى ئامادەباشیدان و وەکو پێویستیش ئامێرەکانى بەهاناوەچوون لە بەردەستيان نین.

لە ئێوارەى ڕۆژى شەممەوە شەپۆلێکى باران بارین ڕووى لە پارێزگاى دهۆک و دەوروبەرى کردووەو بەوهۆیەوە لافاو دروستبووەو زیانێکى زۆریش بەهۆى ئەو لافاوەوە بەر هاوڵاتیان کەوتووە.

News Code 18561

نیشانەکان

بۆچوونی ئێوە

You are replying to: .
  • 3 + 15 =