خۆپیشاندانی شاره‌کانی هه‌رێمی کوردستان بۆ پشتگیری له‌ عه‌فرین

ژمارەیەک لە حزب و هێزە سیاسییەکان و چالاکوانانی مەدەنی و هاوڵاتییان لەبەردەم بارەگای سەرەکی نەتەوە یەکگرتووەکان لە هەولێر و سلێمانی خۆپیشاندانیان ئەنجامدا.

به‌ ڕاپۆرتی هه‌واڵنێری مێهر، ڕۆژی ڕابردوو لە قەزای چەمچەماڵ و پارێزگای سلێمانی و هه‌ولێر  ڕژانه‌ سه‌ر سه‌قام و داوایانکرد کۆمەڵگای نێودەوڵەتی چیتر بێدەنگ نەبێت لە بەرامبەر هێرشەکانی تورکیا بۆسەر عەفرین و کۆتایی بەو لەشکرکێشییە بهێنرێت.

له‌مباره‌وه‌ خه‌ندان نووسی: لە سلێمانی خۆپیشاندەران بە دروشمی "لە عەفرین بەرخۆدانە سلێمانی پشتیوانە"، لە شەقامی سالمەوە بە ڕێپێوان بەرەو باخی گشتی بەڕێکەوتن و ئیدانەی هێرشەکانی تورکیایان کرد.

 بەشێك لە خۆپیشاندەران نیگەرانی خۆیان لە بەرامبەر بێدەنگی حکومەتی هەرێم دەربڕی و داوایانکرد فشار لەسەر تورکیا دروستبکات بۆ ڕاگرتنی هێرشەکان.

لەدواى دەستپێکردنى هێرشەکانى تورکیا و گروپە چەکدارە هاوپەیمانەکانى بۆسەر عەفرین، چەندین خۆپیشاندان لە هەرێمى کوردستان ئەنجامدراون بۆ پشتیوانى لە عەفرین و ئیدانەکردنى هیرشەکانى تورکیا.

News Code 17450

نیشانەکان

بۆچوونی ئێوە

You are replying to: .
  • 2 + 6 =