بۆمبای زیرەکی "قائم" ڕوونوێنی کرا

لە پێنجەمین رۆژی دەیەی فەجر هێڵی بەرهەم هێنانی بەرفراوانی فرۆکەی بێ فرۆکەوانی تاکتیکیی موهاجری ٦ کە بۆمبای زیرەکی قائمی لە سەر دابەستراوە بە ئامادەبوونی وەزیری بەرگری و پشتیوانیی هێزی چەكداری و فەرماندەی هێزی زەوینی سوپا ڕوونوێنی کرا.

بە ڕاپۆرتی ئاژانسی هەواڵی مێهر بە گێڕانەوە لە پەیوەندییە گشتییەکانی وەزارەتی بەرگری، لە پێنجەمین رۆژی دەیەی فەجر هێڵی بەرهەم هێنانی بەرفراوانی فرۆکەی بێ فرۆکەوانی تاکتیکیی موهاجری ٦ کە بۆمبای زیرەکی قائمی لە سەر دابەستراوە بە ئامادەبوونی وەزیری بەرگری و پشتیوانیی هێزی چەكداری و فەرماندەی هێزی زەوینی سوپا کرایەوە.

ئەمیر سەرتیپ حاتەمی لەو ڕێوڕەسمەدا بە بەرزنرخاندنی چلەمین ساڵوەگەری سەرکەوتنی شکۆمەندی کۆماری ئیسلامی ئێران، دوای ڕوون کردنەوەی گرینگترین تایبەتمەندییەکانی فرۆکەی بێ فرۆکەوانی موهاجری 6 و بۆمبای زیرەکی قائم، وتی: ئەو فرۆکەیە بە متمانەی باڵاوە توانای ئەنجامدانی ئۆپەراسیۆنی ناسینەوەیی، چاوەدێری و پەلاماری لە ڕووبەرێکی بەربڵاو و گەشتی ئاسمانیی دوور و درێژ بۆ هێزی چەکداری دەڕەخسێنێت بۆ ئەوەی ئەو هێزانە بتوانن ئۆپەراسیۆنی چاوەدێری، ناسینەوە و پێکانی ئامانجە مەبەستەکان بە سەرکەوتوویی ئەنجام بدەن.

وەزیری بەرگری و پشتیوانیی هێزی چەکداری بە ئاماژە بە توانستی ناردنی زانیاری شەوورۆژی بۆ ناوەندی فەرماندەیی و کۆنتڕۆڵ و ئامادەکاری بۆ زاڵبوونی هەواڵگرانە بە سەر شوێنی ئۆپەراسیۆنی، وتیشی: فرۆکەی بێ فرۆکەوانی موهاجری 6 بە بەهرەمەند بوون لە سیستەمی هەستان و نیشتنەوەی ئۆتامات و ژێرسامانەی ئەلەکترۆئۆیونیکی زیرەکی خۆجێی، لە بابەتی داڕشته و ئامادەکاری دەچێتە ڕێزی کارامەترین فرۆکە بێ فرۆکەوانەکانی سەرکەوتووی جیهان کە لە لایەن پسپۆڕانی ڕێکخراوی پیشەسازیی ئاسمانی وەزارەتی بەرگری و پشتیوانیی هێزی چەکداری داڕشتراوە بۆ ئەوەی لە ئۆپەراسیۆنە جۆراوجۆرەکان و شوێن و دۆخی ڕوو لە گۆڕان، بەهرەی لێ وەرگیرێت.

ناوبراو سەبارەت بە بۆمبای قائمی کە لە سەر ئەو فرۆکەیە دابەستراوە ڕوونی کردەوە: ئو بۆمبایە خاوەن سێنسۆرگەلی ئەلەکترۆئێپتیکی و هەموو جۆرە سەر جەنگێکە کە لە رێگەی ئەوەوە، موهاجری ٦ تەواو ئامانجەکانی دەناسێ و پێوشوێنیان هەڵدەگرێ و دەیانپێکێ.

ئەمیر حاتەمی لە کۆتاییشدا وێرای پیرۆزبایی ئەو دەسکەوتە گرینگە لە رێبەری باڵا و فەرماندەی گشتیی هێزی چەکداری و گەلی دلێری ئێران، وتی: وەزارەتی بەرگری لە سای ڕێوشوێن و فەرمانە حیکمانەکانی رێبەری باڵا لە بواری بەرگری بە هەڵوێستی ئابووری خۆڕاگرانە، تۆکمەکەر و پاڵپشتی بە هێزی هێزە چەکدارەکان، توانستی بەرگری و دەسەڵاتی نیشتمانی ئێرانی ئیسلامییە.

News Code 16695

نیشانەکان

بۆچوونی ئێوە

You are replying to: .
  • 8 + 6 =