هه‌ولێر پێشوازى له هه‌ر هه‌نگاوێكى ئه‌رێنى به‌غدا بۆ گفتوگۆ ده‌کات

وتەبێژی حکومەتی هەرێمی کوردستان ڕایگەیاند: حكومه‌تى هه‌رێمى كوردستان پێشوازى له هه‌ر هه‌نگاوێكى ئه‌رێنى بۆ گفتوگۆ، له‌پێناو چاره‌سه‌ركردنى كێشه‌كانى نێوان هه‌رێمى كوردستان و حكومه‌تى فیدراڵى عێراق له‌سه‌ر بنه‌ماى ده‌ستوور ده‌كات.

به‌ ڕاپۆرتی ئاژانسی هه‌واڵی مێهر، سەفین دزەیی وتەبێژی حکومەتی هەرێمی کوردستان جه‌ختی کرد: حكومه‌تى هه‌رێمى كوردستان پێشوازى له‌و ئاماژه و هه‌نگاوانه ده‌كات كه هه‌فته‌ى ڕابردوو له به‌غدادەوه ده‌ركه‌وتن و جۆرێك له نیازپاكیمان لێ خوێنده‌وه‌.

وتیشی: سه‌ردانى شاندێكى حكوومه‌تى عێراق بۆ هه‌رێمى كوردستان و داواكردنى پێكهێنانى لیژنه‌ى هاوبه‌ش بۆ گفتوگۆ ده‌رباره‌ى ده‌روازه سنوورییه‌كان، فڕۆكه‌خانه‌كان، به‌نداوه‌كانى هه‌رێمى كوردستان و داواكردنى لیستى مووچه‌خۆرانى هه‌ردوو وه‌زاره‌تى ته‌ندروستى و په‌روه‌رده‌ى هه‌رێمى كوردستان له‌لایه‌ن حكوومه‌تى عێراقى فیدراڵه‌وه به‌مه‌به‌ستى ناردنى مووچه‌كانیان هه‌نگاوی ئه‌رێنی به‌غدا بووه‌.

ئه‌وه‌شی دووپات کرده‌وه‌ که‌ هه‌ولێر ئاماده‌ی گفتوگۆیه‌ و پیشوازی له‌ هه‌نگاوه‌کانی ده‌وڵه‌تی ناوه‌ندی عێراق ده‌کات.

News Code 15760

نیشانەکان

بۆچوونی ئێوە

You are replying to: .
  • 9 + 1 =