٨ و نیو ملیۆن یەمەنی ڕووبەڕووی قاتەساڵین

ڕێکخراوی ئاکسفام لە ڕاپۆرتێکدا وێرای ڕەخنەگرتن لە درێژەی دەستدرێژییەکانی عەرەبستان بۆ سەر یەمەن، ڕایگەیاند کە ٨ ملیۆن و پانسەد هەزار هاووڵاتیی یەمەنی بەرەڕووی قاتەساڵییە.

بە ڕاپۆرتی ئاژانسی هەواڵی مێهر بە گێڕانەوە لە "المیادین"، ڕێکخراوی ئاکسفام بە بۆنەی تێبەڕینی هەزارەمین رۆژی دەستدرێژیی عەرەبستانی سعوودی بۆ سەر یەمەن ڕاپۆرتێکی بڵاو کردەوە و تێیدا هاتووە: زیاتر لە هەزار رۆژە کە یەمەن لە ژێر بۆردومانی چەک و جیهازاتی مۆدێرنی عەرەبستانی سعوودییە. ئێمە ئێستا شایەدی دۆخێکی وەک سەدەکانی ناوەڕاست لە یەمەن داین بە جۆرێک کە لە قاتەساڵی وەک چەکی شەڕ کەڵک دەبەن.

لە ڕاپۆرتەکەدا هاتووە: پێشگری لە یارمەتی گەیاندن و گەیاندنی خۆراک و دەرمان بە خەڵکی، داپەڕێکی دژە مرۆیی و ئەخلاقییە. پاش تێپەڕبوونی هەزار رۆژ لە شەڕی یەمەن، ئەو وڵاتە بەرەوڕووی قاتەساڵی هاتووە. قاتەساڵییەک کە نزیکەی ٨ ملیۆن و ٥٠٠ هەزار هاووڵاتیی یەمەنی تێوە گلاندووە.

ڕاپۆرتەکە ئاماژەی بەوەش داوە: ئێمە هەمبەر بە درێژەی شەڕ و پاڵپشتی لەو شەڕە لە رێگەی فرۆشتنی چەک لە لایەن وڵاتانی وەک ئەمریکا و بەریتانیاوە، نیگەرانین.

News Code 15405

نیشانەکان

بۆچوونی ئێوە

You are replying to: .
  • 8 + 7 =