بە پێی ڕاپۆرتی ئاژانسی هەواڵی مێهر، پەیامی ئایەتوڵڵا سەید موجتەبا حوسێنی خامنەیی ڕێبەری باڵای شۆڕشی ئیسلامی لەو پەیامەدا جەختی لەوە کردەوە: پێویستە ئامادەبوونی خەڵک لە گۆڕەپانەکەدا وەک چۆن لە ماوەی ٤٠ ڕۆژی ڕابردوودا بەردەوام بێت.
ئایەتوڵا خامنەیی لە سەرەتای پەیامەکەیاندا باسیان لە تایبەتمەندییەکانی کەسایەتی و هزر و ئەندێشەی ڕێبەری شەهید وڵات دا و وتیان ڕەنگە لایەنە جۆراوجۆرەکانی کەسایەتی ڕێبەری شەهید بۆ هەمووان بە باشی نەناسرابێت کە پێویستە تیشکی بخرێتە سەر.
هەروەها ڕێبەری بە ئاماژەدان بەوەی کە ئەمڕۆ و تا ئەم خاڵە لە حەماسەی بەرگریی پیرۆزی سێیەم، دەتوانرێت بە متمانەوە بڵێین کە ئێوەی نەتەوەی قارەمانی ئێران، سەرکەوتووی یەکلاکەرەوەی ئەم بوارە بوون.
وتیشیان: ئەگەر بە گریمانە، وەرچەرخانی قۆناغی بێدەنگی لە بەرەکانی شەڕی سەربازیدا بەپێویستی گەیشتبێت، ئەرکی ئەو خەڵکەی کە دەرفەتی ئامادەبوونیان لە گۆڕەپان و گەڕەک و مزگەوتەکاندا هەیە، پێدەچێت لە پێشوو قورستر بێت. بە دڵنیاییەوە هاوارەکانتان لە گۆڕەپانەکاندا لە ئەنجامی دانوستانەکان کاریگەرن.
بۆ گەیشتن بە "ئێرانێکی بەهێز"، بەردەوامی ئامادەبوونی گەلی خۆشەویستمان، وەک ئەو چل ڕۆژەی تێپەڕیون، شتێکی جەوهەرییە.
نابێ وا بیر بکرێتەوە کە بە ڕاگەیاندنی دەستپێکی دانوستان لەگەڵ دوژمن، پێویست ناکات لە شەقامەکاندا ئامادە بیت.
بە ناخی دڵمەوە، دوعای تایبەتی بۆ ئێوە دەکەم بۆ سەرکەوتنی یەکلاکەرەوە بەسەر دوژمندا، چ لە دانوستان و چ لە بەرەکانی شەڕدا.
ئایەتوڵڵا سەید موجتەبا حوسێنی خامنەیی، وێڕای جەختکردنەوە لەسەر ئەوەی کە "ئێمە بەدوای شەڕدا نەگەڕاین و شەڕمان ناوێت ، ڕایانگەیاند: بەڵام بە هیچ شێوەیەک دەستبەرداری مافە ڕەواکانمان نابین و لەم ڕووەوە، ئێمە تەواوی بەرەی خۆڕاگری بە یەک بەرە دەزانین، ڕایگەیاند: "بە خوای گەورە بە دڵنیاییەوە دەستبەرداری دەستدرێژکارانی تاوانبار نابین". بە دڵنیاییەوە قەرەبووی خەسارەکان و خوێنی شەهیدان و دیەی بریندارانمان دەوێت ، بە دڵنیاییەوە ئیدارەی گەرووی هورمز دەگەیەنینە قۆناغێکی نوێ." زیادیان کرد: بە دراوسێکانی باشووری ئێران دەڵێم: ئێوە شاهیدی موعجیزەیەکن، بۆیە بە دروستی ببینن و تێبگەن، لە شوێنی گونجاو بوەستن، و گومانتان هەبێت لە بەڵێنە درۆینەکانی شەیتانەکان. هێشتا چاوەڕێی وەڵامێکی گونجاوین لە ئێوە بۆ ئەوەی برایەتی و نیازپاکی خۆمان نیشان بدەین.
ئایەتوڵڵا سەید موجتەبا حوسێنی خامنەیی ڕایانگەیاند: پێویستە ئاگاداری گوێی خۆمان بین کە پەنجەرەی مێشک و دڵن، لە بەرامبەر ئەو دەزگا ڕاگەیاندنانەی کە دوژمن پاڵپشتییان دەکات یان هاوتەریبە لەگەڵیاندا. یان پێویستە لە بنەڕەتدا واز لە گوێ گرتن و بەکارهێنانیان بهێنین، یان لانیکەم بە گومانێکی زۆرەوە مامەڵە لەگەڵ هەموو ئەو شتانە بکەین کە پێشکەشی دەکەن.
ئەو پەیامەی ئایەتوڵا سەید موجتەبا خامنەیی ڕێبەری باڵای ئێران ئاماژە بە چەند بابەتی وەک تایبەتمەندییەکان و هونەری ڕێبەری شەهید دەکات.
هەروەها لە بەشێکی دیکەدا جەختیان لە سەرکەوتنی گەلی قارەمانی ئێران لە شەڕی سەپێندراوی سێهەم کرد.
گرینگایەتی بەردەوامی مانەوەی خەڵک لە شەقامەکان و ئامۆژگاری بۆ وڵاتانی دراوسێی باشووری ئێران بەشێکی دیکەی وتەکانی ڕێبەری ئێران بوو.
Your Comment